30 वर्ष अंडरग्राउंड राहिली ही महिला दहशतवादी, आता अशा स्थितीत पकडली गेली

जर्मन अधिकाऱ्यांनी 65 वर्षीय डेनिएला क्लेटेला सोमवारी दुपारी बर्लिनच्या इमारतीमधून अटक केली.

एका कुख्यात दहशतवादी संघटनेची माजी सदस्या आणि यूरोपमधील मोस्ट वॉन्टेंडपैकी एकीला 30 पेक्षा अधिक वर्षानंतर पकडण्यात आलं आहे. नोव्हेंबरमध्ये जनतेकडून मिळालेल्या माहितीनुसार, जर्मन अधिकाऱ्यांनी 65 वर्षीय डेनिएला क्लेटेला सोमवारी दुपारी बर्लिनच्या इमारतीमधून अटक केली. वेगळ्या नावाने पासपोर्ट असूनही तिने अटकेला विरोध केला नाही. 

लोअर सॅक्सोनी राज्याचे पोलीस अधिकारी फ्रीडो डी व्रीज यांनी बोटांच्या ठस्यांच्या माध्यमातून तिची ओळख पटवली होती. पण तिच्याकडे कोणतंही हत्यार नव्हतं. मात्र, अपार्टमेंटमध्ये हॅंडगनमध्ये वापरले जाणारे दोन मॅगझीन आणि गोळा बारूद सापडला.

केलेट त्या तीन एक्स रेड आर्मीची सदस्य होती ज्यांचा शोध पोलीस अनेक वर्षापासून करत होते. द मिररच्या रिपोर्टनुसार, अर्न्स्ट-वोल्कर स्टॉब आणि बर्कहार्ड गारवेगसोबत 1999 आणि 2016 दरम्यान उत्तर जर्मनीमध्ये 12 डाकूंसोबत हत्येच्या प्रयत्नात सहभागी होती.

अधिकाऱ्यांचं मत होतं की, दरोड्यांचा उद्देश एखाद्या राजकीय एजेंड्याशिवाय त्यांच्या अंडरग्राउंड जीवनासाठी पैसे जमा करणं होता. केलेटला उत्तर भागातील शहर वर्डेनला नेण्यात आलं होतं. 

अधिकारी म्हणाले की, आम्ही अनेक वर्षांपासून हे जाणून घेण्याचा प्रयत्न करत आहोत की, कसं कुणी इतकी वर्ष अंडरग्राउंड राहू शकतं? आम्ही हा प्रश्न केलेटला नक्कीच विचारणार. केलेटने तिच्या आरोपांबाबत काहीच मत व्यक्त केलं नाही. पण तिने आरोप नाकारले सुद्धा नाहीत.