२२ हजार खर्च करून महिलेने केस कापले; आरशासमोर स्वत:ला पाहताच ढसाढसा रडली

सोशल मीडियावर सध्या या महिलेची स्टोरी व्हायरल होत आहे. ती कुठल्या देशाची आहे त्याची माहिती नाही.

केस कापणे हा प्रत्येक माणसाच्या जीवनाचा एक भाग आहे. परंतु एका महिलेने केस कापण्यासाठी जवळपास २२ हजार रुपये खर्च केले. त्यानंतर जेव्हा तिने आरशासमोर स्वत:ला पाहिलं तेव्हा ढसाढसा रडू लागली. महिलेने केस कापण्यासाठी २०० पाऊंड म्हणजे २१ हजार ७७१ रुपये खर्च केले. परंतु तरीही तिचे केस चुकीच्या प्रकारे कापले गेले. त्यामुळे महिला नाराज झाली.

सोशल मीडियावर सध्या या महिलेची स्टोरी व्हायरल होत आहे. ती कुठल्या देशाची आहे त्याची माहिती नाही. परंतु जेव्हा या महिलेने आरशात स्वत:ला पाहिले तेव्हा तिच्या डोळ्यातून पाणी वाहायला लागले. टीकटॉक यूजर Icarlyreboot व्हिडीओ शेअर करत म्हटले की, इतके पैसे खर्च केल्यानंतर त्या सलूनवाल्याने माझ्या केसाची वाट लावली. महिला तिच्या डोक्यावरील जुने केस शोधत आहे. आम्ही सलूनच्या मॅनेजरच्या बोलण्याचा प्रयत्न केला परंतु त्याने बोलण्यास नकार दिल्याचं या महिलेच्या आईनं सांगितले.

व्हिडीओ शेअरिंग प्लॅटफोर्मवर टिकटॉकवर महिलेने तिच्या डोक्यावरील छोटे केस दाखवले. त्यानंतर महिलेचा व्हिडीओ व्हायरल झाला आहे. यात महिला सांगत आहे की, मी सुंदर दिसण्यासाठी तब्बल २१५ पाऊंड खर्च केले परंतु हे अजिबात मला शोभत नाही. महिलेने दुखी आणि रागाच्या भरात शपथ खाल्ली की आता यापुढे कुठल्याही हेअर स्टायलिशच्या मागे जाणार नाही. मी माझ्या नव्या लूकला आत्मसात करण्याचा प्रयत्न करतेय असं या महिलेने सांगितले.