शौक बड़ी चीज है। हे वाक्य आपण नेहमीच वाचत असतो. इतकंच काय तर या वाक्याला साजेशी काही उदाहरणंही बघायला मिळतात. तुमच्याकडे पैसा असेल तर तुम्ही वाट्टेल ते करू शकता. मग ती गोष्टी कितीही अतरंगी असू द्या. अमेरिकेतील एका रॅपरने असाच विचित्र कारनामा केला आहे. त्याने त्याच्या कपाळावर एका महागड्या हिऱ्याची पिअरसिंग केली आहे. म्हणजे कपाळावर छिद्र करून त्यात हिरा लावला आहे. १४ कॅरेटच्या या हिऱ्याची किंमत वाचून लोक हैराण झाले आहेत. सोशल मीडियावर या रॅपरचे फोटो आणि व्हिडीओ व्हायरल झाले आहेत.
अमेरिकेतील या रॅपरचं नाव आहे लिल उजी वर्ट. या रॅपरने नुकतेच सोशल मीडियावर काही फोटो आणि व्हिडीओ शेअर केले होते. ज्यात त्याच्या कपाळावर १४ कॅरेटचा महागडा गुलाबी हिरा दिसला. या हिऱ्याची किंमत २४ मिलियन डॉलर म्हणजे १७४ कोटी ९९ लाख ८४ हजार रूपये इतकी आहे.
डेली मेलच्या वृत्तानुसार, रॅपरने त्याच्या ट्विटर अकाउंटवर काही फोटो शेअर करत सांगितले की, तो अनेक वर्षांपासून जगभरात हिरे डिझाइन करणारी कपनी Elliot ला या हिऱ्याची किंमत देत होता. रॅपरने सांगितले की, तो २०१७ पासून या हिऱ्याची किंमत चुकवत होत आणि आता हा महागडा हिरा त्याचा झाला आहे. रॅपर म्हणाला की, हे त्याचं स्वप्न होतं की, गुलाबी हिरा कपाळावर लावावा. यासाठी मी फार मोठी किंमत दिली आहे.
एका यूजरने या बहुमूल्य हिऱ्याच्या किंमतीबाबत विचारले तर रॅपर म्हणाला की, या हिऱ्याची किंमत त्याच्या सर्व कार आणि सर्व घरांना मिळूनही सर्वात जास्त आहे. इतकेच नाही तर रॅपर आणि Elliot कंपनी लवकरच एक व्हिडीओ पोस्ट करणार आहे. ज्यात रॅपरच्या कपाळावर हिरा कसा लावला हे दाखवलं जाणार आहे. लोक त्याच्या आधीच्या व्हिडीओ आणि फोटोंवर मजेदार कमेंट करत आहेत. लोक म्हणत आहे की, आता डोकं सांभाळ, देव तुझ्या डोक्याचं रक्षण करो. एक म्हणाला की, मी बॅक लुटायचा विचार करत होतो आता तुझं डोकं लुटेन.