तब्बल १४० वर्षाआधी बुडालेल्या जहाजाचं सत्य आलं समोर, एका तुटलेल्या प्लेटनं उलगडलं रहस्य

Horrifying Secret: अलिकडेच १४० वर्षाआधी बुडालेल्या SS Nantes या ब्रिटीश जहाजाचा शोध लावण्यात आला. आश्चर्याची बाब म्हणजे तब्बल इतक्या वर्षांनंतर हे जहाज केवळ एका तुटलेल्या प्लेटच्या मदतीनं शोधण्यात आलं.

Horrifying Secret: समुद्रात बुडालेल्या जहाजांची कहाणी नेहमीच लोकांसाठी उत्सुकता वाढवणारा विषय असतो. जहाज कसं बुडालं, कसं सापडलं आणि त्यात काय होतं हे जाणून घेण्याची लोकांना उत्सुकता असते. पूर्वी नेहमीच समुद्री वादळांमुळे आणि अपघातांमुळे जहाज बुडत होते. आजकाल जहाज बुडण्याच्या घटना कमी होतात. अलिकडेच १४० वर्षाआधी बुडालेल्या SS Nantes या ब्रिटीश जहाजाचा शोध लावण्यात आला. आश्चर्याची बाब म्हणजे तब्बल इतक्या वर्षांनंतर हे जहाज केवळ एका तुटलेल्या प्लेटच्या मदतीनं शोधण्यात आलं.

SS Nantes नावाचं हे जहाज १८८८ मध्ये बुडालं होतं. जर्मन जहाज Theodore Ruger सोबत या जहाजाची टक्कर झाली होती. हे जहाज लिव्हरपूलहून कोळसा घेऊन Le Havre ला जात होतं. टक्कर इतकी जोरात होती की, जहाजातील लाइफबोट्स तुटल्या आणि क्रू मेंबर्सकडे पाण्यात उड्या मारण्याशिवाय पर्याय राहिला नाही. काही तासच जहाज पाण्यावर तरंगलं. पण छिद्रातून पाणी आत शिरत होतं. या अपघातात २३ लोकांचा जीव गेला होता आणि केवळ ३ लोकांचा जीव वाचला होता.

SS Nantes ला 1874 मध्ये Cunard Steamship Company बनवलं होतं. त्याकाळी चांगले नॅवेगेशन उपकरणं नसल्यानं तेव्हा या जहाजाचा मलबा शोधता आला नाही. फक्त काही तुकडे आणि मृततेह कॉर्नवालच्या किनाऱ्यावर सापडले होते. पण जहाजाचा आतापर्यंत काही पत्ता लागला नव्हता.

तुटलेल्या प्लेटनं सापडलं जहाज

2024 मध्ये डॉमिनिर रॉबिन्सन नावाचे माजी सैनिक आणि अनुभवी डायव्हर यांनी हा मलबा शोधला. रॉबिन्सन यांना एक तुटलेली प्लेट सापडली होती. ज्यावर Cunard Steamship Company चा लोगो होता. ही तुटलेली प्लेटच नंतर मोठा पुरावा बनली.

 रॉबिन्सन म्हणाले की, "लोकांनी आधीही या ठिकाणी जहाजाचा शोध घेतला. पण त्यांना हे माहीत नव्हतं की, हेच ते जहाज आहे. केवळ एका प्लेटनं सगळं रहस्य उलगडलं". प्लायमाउथ यूनिव्हर्सिटीचे डॉ. हॅरी बेनेट यांनी हा शोध ऐतिहासिक असल्याचं म्हटलं. ते म्हणाले की, "हे तर समुद्रात सुई शोधण्यासारखं आहे. स्थानिक डायव्हरनी कमाल काम केलं आहे".

या मलब्याशी संबंधित व्हिडीओ आणि पुराव्यांवरून हे स्पष्ट झालं आहे की, हे SS Nantes जहाजच आहे. या शोधामुळे जुने समुद्री रहस्य समोर आले आणि त्या २३ लोकांची आठवण ताजी केली. ज्यांनी यात जीव गमावला होता.