Latest Jarahatke News | Jarahatke Marathi News | Latest Jarahatke News in Marathi | जरा हटके: ताज्या मराठी बातम्या

नितीन गव्हाळे/ अकोला : राज्यातून अव्वल आलेल्या धनंजय सहस्त्रबुद्धे व यशपाल पाकळ हे बालपणापासूनचे मित्र. एकाच वर्गात, एकाच बाकावर बसणारे. दोघांना परीक्षेत गुणही सारखेच. बरे, एका परीक्षेत गुण सारखे मिळतील; सर्वच परीक्षांमध्ये सारखे गुण मिळणे अशक्य. तथापि, हे दोघे इयत्ता पहिली ते दहावीपर्यंतच्या परीक्षेतही सारखेच गुण मिळवत आलेत. दोघा मित्रांच्या बाबतीत घडलेला दुर्लभ योगायोगच म्हणावा लागेल. समाजात वावरत असताना अनेकांमध्ये साम्य दिसून येते. आवडी-निवडी. राहणीमान, विचार, काम करण्याची पद्धत अशा अनेक गोष्टी सारख्या दिसून येतात. हा निव्वळ योगायोग असतो. असाच योगायोग धनंजय आणि यशपाल यांच्याबाबत दहा वर्षांपासून घडतोय. सोमवारी दहावीचा निकाल लागला. दोघांनीही ९९.४0 टक्के गुण मिळविले. याबद्दल धनंजयचे वडील सतीश सहस्त्रबुद्धे यांनी सांगितले, दहावीत नाही तर इयत्ता पहिलीपासून दोघे सोबत शिकत आहेत. एकाच शाळेत, एकाच वर्गात आणि एकाच बाकावर बसणार्या या दोन्ही मुलांनी पहिलीपासूनच सारखेच गुण मिळविले. आम्हालाही दोघांच्या सारख्या गुणांचे अप्रूप वाटायचे. दहावीतही तेच घडले. त्यामुळे आणखी आश्चर्य वाटले, असे सांगत त्यांनी दोघांमधील गुपित सोमवारी सांगितलं. धनंजय आणि यशपाल हे दोघेही बालमित्र. त्यांची मैत्रीही घट्ट. वर्गातील पहिल्या रांगेतील बाक त्यांनी कधीच सोडला नाही आणि साथही. सोबत अभ्यास करून कठीण प्रश्नांबाबत एकमेकांशी चर्चा करायची, विषय समजून घ्यायचे असे छान दोघांचे ट्युनिंग जुळले. अँबॅकस, एमटीएस, सातवीची शिष्यवृत्ती परीक्षा, होमी भाभा बालवैज्ञानिक स्पर्धा, स्पेस मेडिकलच्या शिष्यवृत्ती परीक्षेतही दोघांनी सोबतीने यश मिळविले. दोघेही सोबतच होणार डॉक्टर धनंजय व यशपालला डॉक्टर व्हायचे आहे. दोघांनाही गुण सारखेच असल्याने, ते दोघेही एकाच महाविद्यालयात प्रवेश घेतील. सोबतच बारावीसह पीएमटी परीक्षेची तयारी करतील. एकाच वैद्यकीय महाविद्यालयात प्रवेश मिळाला, तर सोबतच एमबीबीएससुद्धा करतील. पहिलीपासून जुळलेली दोस्तीची नाळ त्यांना अशीच जुळवून ठेवायची आहे.

Jarahatke (Marathi News)

टाटा रुग्णालयातील तज्ज्ञ डॉक्टर गोरगरीब रुग्णांना आॅनलाइन मोफत सेकंड ओपीनियन देणार आहेत. ...

राज्यात अव्वल आलेल्या दोन दोस्तांना पहिलीपासून मिळताहेत सारखे गुण. ...