अरे बापरे! या पठ्ठ्यानं एक दोन नाही तर तब्बल ९ जणींशी केलं लग्न, एकूण बायका १०, आता सांगितलं यामागचं गुपित

Jara Hatke News: चांगली नोकरी, घरदार असूनही लग्न ठरत नसल्याची तक्रार अनेक तरुण करतात. मात्र ब्राझीलमधील एका तरुणाने एकाचवेळी ९ जणींशी लग्न करत खळबळ उडवून दिली आहे.

रियो दि जानिरो - चांगली नोकरी, घरदार असूनही लग्न ठरत नसल्याची तक्रार अनेक तरुण करतात. मात्र ब्राझीलमधील एका तरुणाने एकाचवेळी ९ जणींशी लग्न करत खळबळ उडवून दिली आहे. या लग्नाआधी त्याची एक पत्नी होती. त्यामुळे आता एकूण त्याच्या दहा पत्नी आहेत. आर्थर ओ उर्सो असं या तरुणाचं नाव असून, तो मॉडेलिंग करतो.

विवाहित असलेला आर्थर हा लठ्ठपणामुळे त्रस्त होता. त्याचे वजन १०० किलोंच्या वर गेले होते. मात्र त्यापासून मुक्तता मिळवण्याचा निश्चय त्याने केला. तसेच मेहनतीने तब्बल २८ किलो वजन कमी केले. तसेच वजन कमी केल्यानंतर आता त्याने मॉडेलिंग सुरू केले.

डेली स्टारने दिलेल्या वृत्तानुसार एकाच वेळी ९ महिलांसोबत विवाह केल्याने तो चर्चेत आला आहे. आर्थर ओ उर्सो याच्या पहिल्या पत्नीचं नाव लुआना काजाकी आहे. आर्थरचं जीवन कसं बदललं, याची कहाणी आता त्याने स्वत:च सर्वांना सांगितली आहे. त्याने सांगितलं की, मी सोमवारपासून शनिवारपर्यंत जिममध्ये घाम गाळत असे. तसेच रविवारी आराम करत असे. आपल्या खाण्या-पिण्याबाबत सांगताना आर्थर म्हणाला की, ज्यामध्ये मीठ, साखर किंवा फॅट असतील असं भोजन मी घेतलं नाही. तसेच संतुलित आहारासाठी काही नियम बनवले.

नव्या जीवनशैलीमुळे आपलं जीवन खूप बदललं, तसेच माझ्या आकर्षक लूककडे महिला आकर्षित होऊ लागल्या, असं तो सांगतो. तत्पूर्वी आर्थर याची पत्नी लुआना हिने ते प्रौढांच्या साईटवरून दरमहा ५० लाख रुपयांची कमाई करतात, असं सांगून खळबळ उडवून दिली होती. ओपन रिलेशनशिपमुळे आर्थर आणि लुआना हे खूप चर्चेमध्ये असतात.