लिफ्टमधील आरसा चेहरा बघण्यासाठी नाहीच, खरं कारण वाचून बसणार नाही विश्वास

Why lift have mirror : पूर्वीच्या लिफ्टपेक्षा आजकालच्या लिफ्ट फार आधुनिक आहेत. आधी लिफ्ट फार हळू चालत होत्या. ज्यामुळे लोक वैतागायचे. अनेकांनी तक्रारी करण्यास सुरुवात केली होती.

Why lift have mirror : तुम्ही मॉलमध्ये किंवा एखाद्या उंच इमारतीत गेलात तर वर जाण्यासाठी लिफ्टची व्यवस्था असते. पूर्वीपेक्षा आजकाल लिफ्टचा वापर खूप जास्त वाढला आहे. जागोजागी लिफ्ट लावलेली असते. ज्यामुळे वरच्या मजल्यावर जाणं आणि खाली येणं सोपं झालं आहे. उंचच इमारतीत वर पायऱ्यांनी चढून जाणं काही शक्य नाही. अशात लिफ्ट फारच सोयीस्कर असं उपकरण आहे. तुम्ही सुद्धा लिफ्टमध्ये अनेकदा बसले असालच. यात फॅन, हॅंडल, म्युझिक, आरशे अशा अनेक सुविधाही असतात. लिफ्टमध्ये या गोष्टी फारच विचारपूर्वक ठेवल्याचं दिसतं. आरशामध्ये लोक आपला चेहरा बघतात, महिला मेकअपही करतात. पण तुम्हाला वाचून आश्चर्य वाटेल की, लिफ्टमध्ये आरसा असण्याचं मुख्य कारण हे नाहीच. 

आजकाल भलेही लोक लिफ्टमधील आरशात आपला चेहरा नीट आहे की नाही. केस नीट आहेत की नाही. कपडे व्यवस्थित आहेत की नाही यासाठी बघत असतील. पण लिफ्ट आरसा असण्याचं मुख्य काही फारच वेगळं आणि जरा मजेशीरही आहे. तेच आज आम्ही तुम्हाला सांगणार आहोत.

पूर्वीच्या लिफ्टपेक्षा आजकालच्या लिफ्ट फार आधुनिक आहेत. आधी लिफ्ट फार हळू चालत होत्या. ज्यामुळे लोक वैतागायचे. अनेकांनी तक्रारी करण्यास सुरुवात केली होती. त्यामुळे काही लिफ्ट कंपन्यांनी यावर काय उपाय करता येईल यावर विचार सुरु केला. पण हे काम महागडंही होतं. काही कंपन्यांनी वेगाने वर जाणाऱ्या आणि सुरक्षित लिफ्ट तयार करायला सुरुवातही केली. पण एका कंपनीने वेगळा विचार केला.

एका लिफ्ट कंपनीच्या इंजिनिअरने हा मुद्दा मांडला की, आपल्या लिफ्टचा स्पीड बरोबर आहे. लोकंच मुर्ख आहेत. लोक असा विचार करतात की, लिफ्ट हळुवार जाते. या एका स्टेटमेंटवर त्या कंपनीने वेगळ्या विचाराने काम सुरु केलं. या कंपनीने लिफ्टच्या वेगात बदल करण्यापेक्षा त्यातील लोकांवर लक्ष दिलं. खरंच लिफ्ट स्लो आहे का? लोक असा विचार का करतात? त्यांना लिफ्टमध्ये कसं सहज करता येईल? याचा विचार कंपनीने सुरु केला. 

लिफ्टमध्ये आरसा लावण्याचं कारण...

कंपनीच्या लक्षात आलं की, लोकांकडे लिफ्टमध्ये करण्यासाठी काहीच नसतं. फक्त भीतींकडे पाहणे आणि लिफ्ट पडणार तर नाही ना या गोष्टीचा विचार करणे, इतकेच त्यांच्या मनात सुरू असते. यातून असा विचार समोर आला की, लिफ्टमध्ये आरसा लावल्यास लोकांचं लक्ष भींतीवरुन डायव्हर्ट करता येऊ शकतं. आरसा लावल्यास ते केस नीट केले की नाही हे बघू शकतात. चेहरा बघू शकतात. महिला त्यांचं मेकअप कसं झालंय, हे बघू शकतात. 

मग काय या कंपनीने त्यांच्या लिफ्टच्या स्पीडमध्ये कोणताही बदल न करता आरसे लावण्यास सुरुवात केली. त्यानंतर त्यांनी एक सर्व्हे केला. त्यात त्यांनी आता लिफ्टचा वेग कसा वाटतो? असा प्रश्न लोकांना विचारला. त्यावर अनेकांनी आता वेग बरोबर असल्याची उत्तरे दिली. मुळात त्या लिफ्टच्या वेगात कोणताही बदल करण्यात आला नव्हता. पण हे करण्यामागे माणसशास्त्रीय कारण होतं.