अरे देवा! अल्पवयीन मुलींनी एकमेकींसोबत केलं लग्न, एक बनली पती तर दुसरी बनली पत्नी आणि मग...

दोन्ही मुली(Lesbian) धनबादच्या(Jharkhand) सरायढेला क्षेत्रात राहणाऱ्या आहेत. यातील १४ वर्षांची मुलगी ती प्रियकर असल्याचं सांगत आहे. ती मुलांसारखी हेअरस्टाईल करते आणि तसेच कपडे घालते.

असं म्हणतात की, जेव्हा व्यक्ती प्रेमात असतो तेव्हा तो जात, धर्म, भेदभाव, गरीब, श्रीमंत बघत नाही. झारखंडच्या (Jharkhand) धनबादमधूनही अशीच एक घटना समोर आली आहे. इथे दोन अल्पवयीन मुलींनी(Lesbian) एकमेकींसोबत मंदिरात लग्न केलं. दोघीही आता परिवारापासून वेगळ्या राहतात. या लेस्बियन कपलपैकी एकीचं वय १४ तर दुसरीचं वय १३ वर्षे आहे. त्यामुळे पोलिसांनी दोघींनाही आपापल्या परिवाराकडे वयस्क होईपर्यंत राहण्यासाठी पाठवलं आहे. 

दोन्ही मुली धनबादच्या सरायढेला क्षेत्रात राहणाऱ्या आहेत. यातील १४ वर्षांची मुलगी ती प्रियकर असल्याचं सांगत आहे. ती मुलांसारखी हेअरस्टाईल करते आणि तसेच कपडे घालते. ती कशाचीही भीती न बाळगता बिनधास्त उत्तरे देते. तर १३ वर्षांची मुलगी साधी, कमी बोलणारी आहे. 

(प्रातिनिधीक छायाचित्र)

या दोघींपैकी पती झालेल्या मुलीने सांगितले की, दोघी एकमेकींवर बालपणापासून प्रेम करतात. दोघीही एकमेकींशिवाय जिवंत राहू शकत नाहीत. एकीने सांगितले की, काही दिवसांपूर्वीच त्यांनी पळून जाऊन मंदिरात लग्न केलं होतं. आणि जवळच एका झोपडीत राहत होत्या. अशात त्यांनी त्यांच्या एका मैत्रीणी मदत घेण्याचा विचार केला. पण तिने काही मदत केली नाही. त्यानंतर दोघीही घरी परत आल्या. 

दरम्यान १३ वर्षीय मुलीच्या आईने तिच्या कपाळावर कुंकू आणि गळ्यात मंगळसूत्र पाहिलं. तेव्हा या प्रकरणाचा खुलासा झाला. लगेच दोन्ही परिवारातील लोक पोलीस स्टेशनमध्ये गेले. हे प्रकरण धनबाद महिला पोलीस स्टेशनकडे देण्यात आलं.

पत्रकारांसोबत बोलताना स्वत:ला पती सांगणारी मुलगी म्हणाली की, 'आता आम्ही अल्पवयीन आहोत. जेव्हा आम्ही वयस्क होऊ तेव्हा मी माझ्या पत्नीला घरी परत आणेन आणि सोबत ठेवेल. मी तिच्यावर इतकं प्रेम करेन की, पुन्हा कधी पोलीस स्टेशनचं तोंड बघावं लागणार नाही. यादरम्यान तिच्या घरच्यांनी तिच्यासोबत जबरदस्ती केली तर मी तिला घेऊन येईन. याच अटीवर आम्ही दोघीही वयस्क होईपर्यंत आपापल्या घरी परतत आहोत'.

तेच पत्नी बनलेल्या मुलीने सांगितले की, 'माझं तिच्यावर खूप प्रेम आहे. तो माझा पती आणि मी त्याची पत्नी. पण आम्ही सध्या अल्पवयीन आहोत. त्यामुळे सध्या आपापल्या परिवाराकडे परतत आहोत. आम्ही वयस्क झाल्यावर सोबत राहू'.

या लेस्बियन कपलचे घरवाले सध्या फारच हतबल आणि रागात आहेत. त्यांना त्यांच्या मुली आपल्या घरी परत हव्या आहेत. ते म्हणतात की, एक मुलगी कधी दुसऱ्या मुलीसोबत लग्न करू शकते का? ते दोघींचं हे नातं कोणत्या स्थितीत स्वीकारणार नाहीत.