US vs Iran Military Power : इस्त्राइल आणि अमेरिकेने इराण विरूद्ध युद्ध पुकारल्यानं सगळ्या जगाचं लक्ष या युद्धा लागलं आहे. इराणचे सर्वोच्च नेता खामेनेई मारले गेले. तरीही इराणने युद्धातून माघार न घेण्याचा निर्णय घेत युद्ध आणखी पेटवलंय. अशात लोकांना अमेरिका, इस्त्राइल आणि इराणच्या सैन्य शक्तीबाबत उत्सुकता निर्माण होणं साहजिक आहे. अनेकांना प्रश्न पडलाय की, जर युद्ध आणखी पेटत गेलं तर कोण कुणावर वरचढ ठरेल? Global Firepower Index 2025 आणि SIPRI च्या रिपोर्टनुसार, जाणून घेऊया की या तिन्ही देशांची सैन्य शक्ती किती आहे. इराणकडे असं काय आहे की, तो अमेरिका आणि इस्त्राइलसारख्या बलाढ्य देशांसोबत भिडतोय.
अमेरिकेची सैन्य शक्ती
अमेरिकेकडे जगातील सगळ्यात मोठी सैन्य शक्ती आहे. या सैन्याची सगळ्यात मोठी खासियत म्हणजे त्यांची अॅडव्हांस टेक्नॉलॉजी आणि पृथ्वीच्या कोणत्याही कोपऱ्यात लगेच अटॅक करण्याची शक्ती आहे.
सैन्य दल - अमेरिकेकडे जवळपास १३ लाख अॅक्टिव सैनिक आणि ८ लाख रिझर्व्ह सैनिक.
डिफेन्स बजेट - साधारण ९९७ अब्ज डॉलर, हा जगातील सगळ्यात मोठा बजट आहे.
एअर फोर्स आणि नेव्ही - अमेरिकेकडे १३ हजारांपेक्षा जास्त फायटर जेट आणि एअरक्राफ्ट आहे. अमेरिकेची नेव्ही सुद्धा मजबूत आहे. त्यांच्याकडे ११ एअरक्राफ्ट कॅरिअर आहेत.
अण्वस्त्रे - अमेरिकेकडे हजारो अॅक्टिव अणुबॉम्ब आहे. ही संख्या ५ हजारांपेक्षा जास्त सांगितली जाते.
इस्त्राइलची सैन्य शक्ती
Israel ची लष्करसंख्या आकाराने लहान असली तरी ती जगातील सर्वात अत्याधुनिक आणि धोकादायक सैन्यांपैकी एक मानली जाते. इस्रायल संख्या पेक्षा गुणवत्तेला अधिक महत्त्व देतो.
सैन्य दल - इस्रायलकडे सुमारे १ लाख ७० हजार सक्रिय सैनिक आणि जवळपास ४ लाख ६५ हजार राखीव सैनिक आहेत. लोकसंख्या कमी असूनही गरज पडल्यास इस्रायल लाखो सैनिक लगेच युद्धासाठी तैनात करू शकतो.
डिफेन्स बजेट - इस्रायल दरवर्षी आपल्या लष्करावर सुमारे ४६.५ अब्ज डॉलर्स खर्च करतो. सध्या सुरू असलेल्या संघर्षांमुळे हा खर्च आणखी वाढला आहे.
हवाई दल - इस्रायलच्या हवाई दलाकडे सुमारे ६०० विमानं आहेत. यामध्ये अमेरिकेकडून मिळालेले अत्याधुनिक F-35 Lightning II स्टेल्थ फायटर जेट्सही आहेत, जे रडारपासून लपून हल्ला करू शकतात.
अण्वस्त्रे - असे मानले जाते की इस्रायलजवळ सुमारे ९० अणुबॉम्ब आहेत, जरी इस्रायलने अधिकृतपणे याची कबुली दिलेली नाही.
इराणची सैन्य शक्ती
Iran आपल्या मोठ्या लोकसंख्येच्या बळावर, मध्यपूर्वेत पसरलेल्या प्रॉक्सी गटांमुळे आणि शक्तिशाली क्षेपणास्त्रांमुळे अमेरिका व इस्रायल दोघांनाही एकाच वेळी आव्हान देत आहे.
सैन्य दल - इराणकडे सुमारे ६ लाख १० हजार सक्रिय सैनिक, सुमारे ३.५ लाख राखीव सैनिक आणि जवळपास २ लाख २० हजार पॅरामिलिटरी सैनिक आहेत. सैनिकसंख्येत इराण इस्रायलपेक्षा खूप मोठा आहे.
डिफेन्स बजेट - इराणचा संरक्षण खर्च अंदाजे ८ ते १५ अब्ज डॉलर्स दरम्यान आहे. आंतरराष्ट्रीय निर्बंधांमुळे त्यांना आधुनिक शस्त्रास्त्रे खरेदी करणे कठीण जाते.
हवाई दल - इराणकडे सुमारे ५५० विमानं आहेत, परंतु त्यापैकी अनेक जुनी आहेत. त्यामध्ये रशियन जेट्स किंवा १९७९ च्या आधीचे मॉडेल्स असल्याचे सांगितले जाते.
अण्वस्त्रे इराणकडे सध्या अणुबॉम्ब नसल्याचे सांगितले जाते, परंतु त्यांचा अणुऊर्जा कार्यक्रम प्रगत आहे. अमेरिका आणि इस्रायलचा आरोप आहे की इराण अणुबॉम्ब तयार करण्याचा प्रयत्न करत आहे.
Web Summary : Iran challenges the US and Israel with a large military, proxy groups, and missiles. The US boasts advanced tech, while Israel prioritizes quality. Iran faces arms import challenges.
Web Summary : ईरान अपनी विशाल सेना, प्रॉक्सी समूहों और मिसाइलों से अमेरिका और इजरायल को चुनौती देता है। अमेरिका उन्नत तकनीक का दावा करता है, जबकि इजरायल गुणवत्ता को प्राथमिकता देता है। ईरान को हथियार आयात में चुनौतियों का सामना करना पड़ता है।