Social Media Post : कोणत्याही नात्यात विश्वास हा फार महत्वाचा असतो. विश्वास उडाला की, नात्यात अडचणी निर्माण होणं साहजिक आहे. अनेकदा कपल आपल्या पार्टनरच्या भावनांची कदर करत नाही आणि यामुळे त्यांच्यात अंतर निर्माण होतं. लोक अनेकदा पार्टनरला सोडून दुसऱ्या व्यक्तीसोबत जवळीक वाढवतात. पण एका महिलेसोबत असं काही झालं की तिच्या दु:खाचं अंदाज लावता येणार नाही. लग्नाच्या काही दिवसांआधी नवरीच्या होणाऱ्या नवऱ्याने तिला दगा दिला आणि तिच्या लहान बहिणीशी लग्न केलं.
'डेली स्टार'च्या रिपोर्टनुसार, आपल्या विचित्र पोस्ट्ससाठी प्रसिद्ध सोशल मीडिया प्लॅटफॉर्म रेडिटवर एका दोन मुलींच्या आईने तिच्या मोठ्या मुलीसोबत झालेल्या अजब घटनेचा खुलासा केला.
महिलेने सांगितलं की, तिची मोठी मुलगी लवकरच तिच्या होणाऱ्या नवऱ्यासोबत लग्न करणार होती. पण लग्नाच्या काही दिवसांआधी त्या तरूणाने तिला दगा दिला आणि तिच्या लहान बहिणीसोबत त्याने लग्न करण्याचा निर्णय घेतला. या महिलेने सांगितलं की, मोठी मुलगी जेनिफर आधी काही रिलेशनशिपमध्ये होती. ती सतत रिलेशनशिप बदलण्यात विश्वास ठेवणारी होती. मोठ्या मुश्कीलीने तिने एका तरूणासोबत लग्न करण्याचा निर्णय घेतला. पण तिला समजलं की, तिच्या लहान बहिणीचं आणि त्याचं काही वर्षांपासून रिलेशन सुरू आहे. जेनिफरने लगेच लग्न मोडलं.
आईने आधी जेनिफरला समजावण्याचा प्रयत्न केला की, तिने त्या तरूणाला माफ करावं आणि छोट्या बहिणीसोबतचं त्याचं नातं स्वीकारावं. पण जेनिफरने ऐकलं नाही. मग आईने लहान मुलीला समजावलं की, जर तू त्या तरूणासोबत लग्न केलं तर पुढे तो तिलाही दगा देईल. लहान मुलीनेही आईचं ऐकलं नाही आणि लग्नाचा निर्णय घेतला.
तेव्हा आईला इच्छा नसूनही मुलीच्या लग्नात सहभागी होण्यास तयार व्हावं लागलं. पण या गोष्टीने मोठी मुलगी जेनिफर खूप रागावली. वडिलांनीही स्पष्ट केलं होतं की, ते अशा व्यक्तीच्या लग्नात येणार नाही. मोठ्या मुलीनेही आईला सांगितलं की, जर तू लग्नात गेलीस तर ती तिच्यासोबत कधीच बोलणार नाही.
पोस्टमध्ये महिलेने लिहिलं की, ती फारच अडचणीत आहे. ती तिच्या मोठ्या मुलीला समजावण्याचा प्रयत्न करत आहे की, लग्नात न आल्याने काही बदलणार नाही. तिने परिस्थितीचा स्वीकार करावा लागेल आणि मग पुढे जावं लागेल. सोशल मीडियावरील लोकांनी या पोस्टवर संमिश्र प्रतिक्रिया दिल्या आहेत. काही लोकांनी आईलाच दोष भेदभावाचा आरोप लावला.