सामान्य लोकही प्रायव्हेट प्लेन बुक करू शकतात का? पाहा यासाठी किती येऊ शकतो खर्च

Interesting Facts : प्रायव्हेट प्लेन पाहून प्रश्न पडला असेल की, सर्वसामान्य लोकही प्रायव्हेट प्लेन बुक करू शकतात का? किंवा जर समजा एक दिवसासाठी जरी प्रायव्हेट प्लेनने कुठे गेलात तर किती खर्च येऊ शकतो?

Interesting Facts : आपण अनेकदा वाचत किंवा बघत असतो की, अमुक व्यक्ती प्रायव्हेट प्लेनने इथे गेला, तिथे गेला. एखादा स्टार प्रायव्हेट जेटने आला. प्रायव्हेट प्लेन अनेकांसाठी कुतूहलाचा विषय असतं. आपल्याही मनात आकाशात उडणारं प्रायव्हेट प्लेन पाहून प्रश्न पडला असेल की, सर्वसामान्य लोकही प्रायव्हेट प्लेन बुक करू शकतात का? किंवा जर समजा एक दिवसासाठी जरी प्रायव्हेट प्लेनने कुठे गेलात तर किती खर्च येऊ शकतो? तेच आज आपण जाणून घेऊ.

सगळ्यात आधी तर हा समज डोक्यातून काढला पाहिजे की, प्रायव्हेट प्लेन केवळ उद्योगपती किंवा सेलिब्रिटीज यांच्यासाठीच असतात. सत्य तर हे आहे की, सर्वसामान्य व्यक्तीही प्रायव्हेट प्लेन बुक करू शकतो. यासाठी कुण्या ओळखीची गरज नसते आणि ना सरकारी परवानगीची. फक्त खिसा भरलेला हवा. भारतात अनेक चार्टर एव्हिएशन कंपन्या आहेत, ज्या गरजेनुसार प्रायव्हेट जेट, हेलिकॉप्टर आणि छोटे चार्टर प्लेन भाड्याने देतात. भारतात प्रायव्हेट जेटचं भाडं सामान्यपणे प्रति तासानुसार घेतलं जातं.

किती खर्च येतो?

छोट्या आणि हलक्या चार्टर जेटसाठी प्रति तास खर्च साधारण १.५ लाख ते २ लाख रूपयांपर्यंत असू शकतो. तेच मिड-साइज जेट्सचं भाडं ४ लाख ते ६ लाख रूपये प्रति तास असू शकतं. जर आपण लक्झरी आणि मोठ्या जेट्सचा विचार कराल तर याचा खर्च ८ लाख रूपये प्रति तासांपेक्षा जास्त असू शकतो. म्हणजे केवळ २ ते ३ तासांच्या उड्डाणासाठीच १० ते २० लाख रूपयांचं बिल निघू शकतं. इतका तर सर्वसामान्याचा वर्षभराचा पगार असतो.

प्रायव्हेट जेटची किंमत? 

बुकिंगचं आपल्याला समजलं असेलच. आता प्रायव्हेट जेट खरेदी करायचं असल्यास किती खर्च येईल हे पाहुयात. प्रायव्हेट जेट खूप महाग असतात. भारतात एका छोट्या प्रायव्हेट प्लेनची किंमत साधारण १५ ते ३५ कोटी रूपयांपासून सुरू होते. मिड - साइज आणि अॅडव्हान्स जेट्सची किंमत १०० कोटींच्या आसपास असते. तेच जर इंटरनॅशनल लेव्हल लक्झरी जेट्सची किंमत ३०० ते ५०० कोटी रूपये किंवा त्यापेक्षा जास्तही असते.

जुने किंवा सेकंड हँड जेट्स काही प्रमाणात स्वस्त मिळू शकता. त्यांची किंमत तरीही १६ ते २० कोटी रूपयांर्यंत असू शकते. पण त्यांच्या मेन्टनेन्सचा खर्च खूप जास्त असतो. एक जेट ठेवण्यासाठी एअरपोर्टला हँगर चार्ज द्यावा लागतो, जो वार्षिक लाखो ते कोट्यावधी असू शकतो. त्याशिवाय इन्शुरन्स, मेन्टेनन्स आणि टेक्निकल चेकअपसाठी दरवर्षी साधारण १ ते १.५ कोटी रूपये खर्च होतात.