आदिवासी तरूणावर जडलं फिरायला गेलेल्या विवाहित महिलेचं मन; पतीला सोडलं, आता होतोय पश्चाताप

ही महिला काही वर्षांआधी केनियामध्ये फिरायला गेली होती. इथे ती एका आदिवासी तरूणाच्या प्रेमात पडली. महिला त्याच्यामागे इतकी वेडी झाली की, तिनं पतीला सोडलं आणि ३ लेकरांना दूर केलं.

जीवन जगत असताना काही लोक कळत-नकळत असं वळण घेतात, ज्याचा त्यांना पुढे जाऊन पश्चाताप होतो. लग्न असो वा प्रेमाबाबत अनेकदा चुकीचे निर्णय घेतले जातात आणि मग चुकीची जाणीव होते. ब्रिटनमधील एका महिलेसोबत असंच काहीसं झालं. पती आणि लेकरांना सोडून तिनं असा काही निर्णय घेतला की, तिला आता पश्चाताप होत आहे. ही महिला काही वर्षांआधी केनियामध्ये फिरायला गेली होती. इथे ती एका आदिवासी तरूणाच्या प्रेमात पडली. महिला त्याच्यामागे इतकी वेडी झाली की, तिनं पतीला सोडलं आणि ३ लेकरांना दूर केलं. त्यानंतर आदिवासी तरूणासोबत लग्न केलं. पण नंतर असं काही घडलं की, दोघांचं नातं तुटलं आणि लग्नाच्या साधारण ३० वर्षानंतर महिलेला आपल्या चुकीचा पश्चाताप झाला.  

मिरर वेबसाइटच्या रिपोर्टनुसार, साल १९९४ मध्ये ब्रिटनमधील शेरिल थॉमसगुड (Cheryl Thomasgood) ३४ वर्षांची असताना, केनियामध्ये सुट्टी घालवण्यासाठी गेली होती. इथे ती मसाई या आदिवासी जमातीतील तरूण डॅनिअल लेकिमेन्चो (Daniel Lekimencho) याच्या प्रेमात पडली. पण आता शेरिलला तिच्या या निर्णयाचा पश्चाताप होत आहे. शेरिलनं तिची कहाणी शेअर करत इतर सुट्टीवर गेल्यावर प्रेमात पडण्याबाबत सतर्क राहण्याचा इशारा दिला आहे. 

शेरिल इंग्लंडच्या ऑइल ऑफ व्हाइटमध्ये आरामाचं जीवन जगत होती. त्यावेळी ती बालपणीच्या काही समस्या आणि मोडण्याच्या उंबरठ्यावर असलेल्या नात्याचा सामना करत होती. एक दिवस ती चर्चमधील मैत्रिणीच्या सल्ल्यावरून केनियातील मोंबासामधील बांबुरी बीच हॉटेलमध्ये पोहोचली. इथेच तिची भेट पारंपारिक आदिवासी नृत्य करणाऱ्या टीममधील डॅनिअलसोबत झाली.

आदिवासी तरूणावर जडलं प्रेम आणि...

डॅनिअलचा साधेपणा आणि भौतिक गोष्टींमध्ये नसलेला इंटरेस्ट पाहून शेरिल त्याच्याकडे आकर्षित झाली. ती डॅनिअल प्रेमात इतकी अडकली होती की, तीन आठवड्यांनी यूकेला परत येऊन तिनं पती आणि तीन लेकरांना सोडण्याचा निर्णय घेतला. त्यानंतर शेरिल पुन्हा केनियाला परत गेली आणि डॅनिअलसोबतच त्याच्या जमातीतील लोकांसोबत राहू लागली. ती बकरीच्या चामड्यावर झोपत होती, आगीवर जेवण शिजवत होती. कोबी आणि गायीचं रक्त अशा पारंपारिक गोष्टीही खात होती. १९९५ मध्ये शेरिल आणि डॅनिअल इंग्लंडला परतले आणि व्हॅलेंटाइन डे च्या दिवशी मसाई समाजाचे पारंपारिक कपडे घालून लग्न केलं.

मग डॅनिअल शेरिलच्या लेकरांसोबत आइल ऑफ व्हाइटमध्ये राहू लागला. त्यांच्या एका मुलीचा मिस्टीचा जन्म झाला. आता ती २७ वर्षांची आहे. सुरूवातीची काही वर्ष तर सगळं काही ठीक सुरू होतं. पण लवकरच शेरिलला जाणीव झाली की, डॅनिअल आता आध्यात्मिक राहिलेला नाही. तो आता धन आणि भौतिक सुखाच्या मागे धावू लागला होता. मोठ घर, महागडे कपडे आणि आपल्या परिवाराला पैसे पाठवण्याचा हट्ट करू लागला.

पतीपासून घेतला घटस्फोट

शेरिल सांगते की, "मला वाटू लागलं की, मी केवळ एक खाऊ घालणारी व्यक्ती राहिली आहे. मला खूप पश्चाताप आहे. खासकरून मुलांवर पडलेल्या प्रभावाबाबत". डॅनिअलच्या बदललेल्या सवयी तिला खटकत होत्या. वाद इतके वाढले की, नंतर १९९९ मध्ये त्यांचा संसार मोडला आणि त्यांनी घटस्फोट घेतला. 

शेरिल सांगते की, तिनं नातं केवळ यासाठी निभावलं कारण तिला समाजाला चुकीचं सिद्ध करायचं होतं. "सगळ्यात मोठा पश्चाताप हा आहे की, माझी मुलं डॅनिअलला एक स्थिर पिता म्हणून स्वीकारू शकले नाहीत. त्यांनी खूपकाही गमावलं आहे".  आता शेरिल म्हणते की, ती आता पुन्हा लग्न करणार नाही. ती तिची चार मुलं स्टीव, टॉमी, क्लो आणि मिस्टीसोबत शांततेत जीवन जगत आहे. डॅनिअल सध्या आइल ऑफ व्हाइटमध्येच राहतो आणि एका सुपरमार्केटमध्ये काम करतो.