आज सोशल मीडियावरून अनेकजण महिन्याला लाखो आणि करोडो रुपये कमावत आहेत. त्याचंच एक उदाहरण म्हणजे कॅट नॉर्टन (@miss.excel). होय, इंस्टाग्राम आणि टिक टॉकवर व्हिडिओ बनवून कॅट नॉर्टन महिन्याला करोडो रुपये कमावते. तुम्हाला वाटत असेल की, ही तरुणी करते काय ? तर, ही तरुणी इंस्टाग्राम आणि टिकटॉकवर मायक्रोसॉफ्ट एक्सेल शिकवते.
कॅट नॉर्टन (@miss.excel) Instagram आणि Tiktok वर तिच्या चाहत्यांना एमएस एक्सेल टिप्स आणि युक्त्या शिकवते. एका वर्षाच्या आत Instagram आणि TikTok वर तिने 1 मिलीयनहून अधिक फॉलोअर्स मिळवले आहेत. मिस एक्सेलने व्हिडिओ अपलोड करताच, तिच्या व्हिडिओवर चाहते तुटून पडतात. यातूनच ती महिन्याला सूमारे एक कोटी रुपयांची कमाई करते.
कोण आहे मिस एक्सेल ?द एक्सप्रेसच्या वृत्तानुसार, 27 वर्षीय कॅट नॉर्टनने मायक्रोसॉफ्ट एक्सेल ऑनलाइन शिकवण्यासाठी तिची कॉर्पोरेट नोकरी सोडली. यानंतर तिचे आयुष्य अक्षरशः बदलले आणि आता व्हिडिओ बनवून ती महिन्याला 1 कोटी रुपये कमवत आहे. एयासोबतच तिने लाखो लोकांना प्रशिक्षणही दिले आहे.
इंस्टाग्रामवर @miss.excel या नावाने प्रसिद्ध असलेल्या नॉर्टनने नोव्हेंबर 2020 मध्ये ऑनलाइन शिक्षण व्यवसाय सुरू केला होता. आता 1 दशलक्षाहून अधिक फॉलोअर्सना Excel च्या युक्त्या आणि टिप्स शेअर करुन ती करोडो रुपये कमवत आहेत. कॅट नॉर्टनच्या इन्स्टाग्राम अकाउंटवर 5 लाख 70 हजार फॉलोअर्स आहेत. मायक्रोसॉफ्ट तिला या व्हिडिओंच्या बदल्यात पैसे देते.