जळगाव : हिंदू धर्मातील देवी-देवतांचा अवमान करणाऱ्या तांडव या वेबसीरिजचे व त्यामधील कलावंतांचे पोस्टर बुधवारी टॉवर चौकात विश्व हिंदू परिषद, बजरंग दलातर्फे जाळून निषेध व्यक्त करण्यात आला.
काही दिवसांपूर्वी ताडंव ही वेबसीरिज प्रदर्शित झाली आहे. यामध्ये हिंदू धर्मातील देवी-देवतांचा अवमान करण्यात आला आहे. याच्या निषेधार्थ विश्व हिंदू परिषद, बजरंग दलातर्फे बुधवारी टॉवर चौक परिसरात तांडव या वेबसीरिजचे पोस्टर व सीरिजमधील कलावंतांचे फोटो जाळून जाहीर निषेध करण्यात आला. यावेळी जिल्हा मंत्री देवेंद्र भावसार, जिल्हा समरस्ता प्रमुख भरत कोळी, बजरंग दल जिल्हा संयोजक राकेश लोहार, बजरंग दल जिल्हा सुरक्षा प्रमुख राजू नन्नवरे, विश्व हिंदू परिषद महानगर उपाध्यक्ष हरीश कोल्हे, विश्व हिंदू परिषद महानगर मंत्री दीपक दाभाडे, बजरंग दल महानगर संयोजक समाधान पाटील, गोरक्षा प्रमुख आकाश पाटील, राहुल सूर्यवंशी, गोविंदा कुंभार, योगेश कोल्हे, पवन कोळी इत्यादी पदाधिकारी व कार्यकर्ते आदी उपस्थित होते.