राष्ट्रीय बहुजन कर्मचारी महासंघाचे आंदोलन

यावल : येथील तहसील कार्यालयासमोर राष्ट्रीय मुलनिवासी बहुजन कर्मचारी संघाने आरक्षण बचाओ लोकतंत्र बचाओ या मागणीसाठी एक दिवसीय धरणे आंदोलन केले. या आंदोलनास राज्यातील ११ संघटनांनी आपला पाठिंबा दर्शविला आहे.

संघटनेच्यावतीने नायब तहसीलदार आर. डी. पाटील यांना निवेदन देण्यात आले आहे. त्यात म्हटले आहे की, राज्यातील अनुसूचित जाती, अनुसूचित जमाती, भटके विमुक्त आणि विशेष मागास प्रवर्गातील कर्मचारी, सरकारी, निम सरकारी व शासकीय आणि सार्वजनिक सेवेतील कर्मचारी व अधिकारी यांचे पदोन्नतीतील आरक्षण रोखण्याच्या धोरणाच्या विरोधात दिनांक १८ फेब्रवारी २०२१ ते २० एप्रिल २o२१ व ७ मे २०२१च्या शासन निर्णयाच्या विरोधात महाराष्ट्र शासनाच्या शिक्षण आणि नोकरीतील आरक्षणविरोधी धोरणाच्या विरोधात, सार्वजनिक उपक्रमातील आस्थापनेमध्ये नियमाप्रमाणे बिंदुनामावली अद्ययावत न करता व अनुशेष भरती न करता होणाऱ्या नियमबाह्य भरती प्रक्रियेच्या विरोधात व ओबीसी प्रवर्गास पदोन्नतीतील आरक्षण लागू न करणे आदी निर्णयांच्या विरोधात हे आंदोलन करण्यात आले.

या आंदोलनाचे नेतृत्व राष्ट्रीय मुलनिवासी बहुजन कर्मचारी संघाचे आनंद जाधव व मनोज तायडे यांनी केले. या आंदोलनास प्रोटान संघटनेचे बी. बी. सुरवाडे, महेंद्र तायडे, प्रभा तायडे, भारत मुक्ती मोर्चाचे पंकज तायडे, पंकज डांबरे, बबलू गजरे, स्वप्नील पारधे, मंथन महिरे, भीम आर्मीचे नीलेश सपकाळे, आकास सुरवाडे, अतुल पारधे, आकाश बिऱ्हाडे यांच्यासह चेतन गजरे, भूषण बागुल ऑल इंडिया दलित पँथर सेनेचे भूषण साळुंखे, योगेश भालेराव, अमोल भालेराव, राष्ट्रीय किसान मोर्चाचे कुंदन तायडे, भीमराव साळवे, अमर कोळी, भारतीय युवा बेरोजगार मोर्चाचे ज्ञानदेव भालेराव, सागर बहारे, बुद्धिष्ट इंटरनॅशनल नेटवर्कचे संतोष तायडे, वैभव सोनवणे, चेतन भालेराव, रोहन निकम, हर्षल गजरे, पंकज डांबरे, पंकज तायडे, बबलू गजरे आदींनी सहभाग नोंदवला.