Jalgaon Municipal election 2026 Latest Update: सत्ताधारी भाजपा-शिंदेसेना युतीने राज्यात होत असलेल्या महापालिका निवडणुकीमध्ये विजयाचे खाते उघडले आहे. अर्ज माघारी घेण्याची मुदत संपल्यानंतर अनेक ठिकाणी भाजपाचे दोन अंकी उमेदवार बिनविरोध विजयी झाले. तर शिंदेसेनेनेचे उमेदवारही बऱ्याच ठिकाणी बिनविरोध विजयी झाले आहेत. जळगावमध्ये युतीने १२ जागांवर बिनविरोध विजय मिळवला आहे.
अनेक वर्षांनंतर राज्यात महापालिकांच्या निवडणुका होत आहे. २९ महापालिका निवडणुकामुळे राज्याचे राजकीय वातावरण तापले असून, अर्ज माघारी घेण्यापर्यंत अनेक ठिकाणी गोंधळ बघायला मिळाला. अनेकांनी बंडखोरी केली. मात्र, अर्ज माघारी घेतल्यामुळे अनेक ठिकाणी मतदानापूर्वीच उमेदवारांच्या गळ्यात विजयाची माळ पडली आहे.
जळगाव महापालिकेमध्ये भाजपा-शिंदेसेनेचे १२ उमेदवार विजयी झाले आहेत. यात भाजपाचे सहा, शिंदेसेनेच्या सहा उमेदवारांचा समावेश आहे. गुरुवारी (१ जानेवारी) भाजपाचा एक, तर शिंदेसेनेचे तीन उमेदवार बिनविरोध विजयी झाले. त्यात शुक्रवारी म्हणजे अर्ज माघारी घेण्याच्या शेवटच्या दिवशी भर पडली.
भाजपा-शिंदेसेनेचे कोणते उमेदवार विजयी झाले?
एकूण - 12
शिंदेसेना - 6भाजपा -6
बिनविरोध विजय उमेदवारांची नावे
१) उज्ज्वला बेंडाळे, भाजपा
२) दीपमाला काळे, भाजपा
३) विशाल भोळे, भाजपा
४) विरेन खडके, भाजपा
५) अंकिता पंकज पाटील, भाजपा
६) वैशाली अमित पाटील, भाजपा
७) गौरव सोनवणे, शिंदेसेना
८) सागर सोनवणे, शिंदेसेना
९) गणेश सोनवणे, शिंदेसेना
१०) रेखा पाटील, शिंदेसेना
११) मनोज चौधरी, शिंदेसेना
१२) प्रतिभा देशमुख, शिंदेसेना
Web Summary : BJP-Shinde Sena alliance kicks off Jalgaon Municipal Election 2026 with a victory. Twelve candidates, six from each party, have already won uncontested, setting the stage for the upcoming polls after many years. The unopposed wins occurred after withdrawals.
Web Summary : भाजपा-शिंदे सेना गठबंधन ने जलगाँव नगर निगम चुनाव 2026 में जीत के साथ शुरुआत की। प्रत्येक पार्टी से छह उम्मीदवारों सहित बारह उम्मीदवार पहले ही निर्विरोध जीत चुके हैं, जिससे कई वर्षों के बाद होने वाले आगामी चुनावों का मंच तैयार हो गया है। नाम वापसी के बाद निर्विरोध जीत हुई।