जळगाव : येथील नूतन मराठा महाविद्यालयाची विद्यार्थीनी शिवानी देशमुख हिला राज्य सरकारच्या क्रीडा आणि युवक कल्याण सेवा संचलनालयातर्फे दोन लाख रुपयांची शिष्यवृत्ती मंजुर करण्यात आली आहे. शिवानी हिने भारतीय सॉफ्टबॉल संघातून आंतरराष्ट्रीय स्पर्धांमध्ये आपल्या खेळाची चमक दाखवली आहे. तसेच राज्य आणि राष्ट्रीय स्पर्धेत विजेतेपद देखील पटकावले. तिला डॉ.प्रदीप तळवेलकर यांचे मार्गदर्शन लाभले. आमदार लता सोनवणे यांच्या हस्ते तिचा सत्कार करण्यात आला. त्यावेळी ॲड.सत्यजीत पाटील, राजु खेडकर, राज्य संघटनेचे सचिव डॉ. प्रदीप तळवेलकर, राजू देशमुख, मिलींद तळेले उपस्थित होते.
फोटो कॅप्शन : शिवानी देशमुखचा सत्कार करताना आमदार लता सोनवणे, सोबत मिलींद तळेले, ॲड. सत्यजीत पाटील, राजु देशमुख, डॉ. प्रदीप तळवेलकर, राजु खेडकर.