घरकूल प्रकरणाच्या ठळक घडामोडी

२७ जानेवारी २००६- तत्कालिन आयुक्त डॉ.प्रवीण गेडाम यांनी शहर पोलीस स्टेशनला ४५ पानांची इंग्रजीत फिर्याद दिली. त्यानुसार आजी, माजी नगराध्यक्ष, नगरसेवक व ठरावाला मतदान करणाऱ्या ९० जणांविरुध्द कलम १२० ब, ४६८, ४०९ प्रमाणे गुन्हा दाखल झाला.२८ डिसेंबर २०११- रोजी घरकूल घोटाळ्याच्या तपासाला वेग आल्याने तत्कालिन नगराध्यक्ष सिंधुताई कोल्हे, पुष्पा पाटील, चत्रभुज सोनवणे व लक्ष्मीकांत चौधरी यांची अटकपूर्व जामीनासाठी धाव.२९ डिसेंबर २०११- तत्कालिन नगराध्यक्ष सिंधुताई कोल्हे, पुष्पा पाटील, चत्रभुज सोनवणे व लक्ष्मीकांत चौधरी या तिघांचा जामीन अर्ज फेटाळला.२८ जानेवारी २०१२- उच्चाधिकार समितीचे सभापती प्रदीप रायसोनी, खान्देश बिल्डरचे मेजर वाणी, राजा मयूर व मुख्याधिकारी पी.डी.काळे यांना अटक.१ फेब्रुवारी २०१२- माजी नगराध्यक्ष लक्ष्मीकांत चौधरी, चत्रभुज सोनवणे यांची चौकशी.२ फेब्रुवारी २०१२- तत्कालिन नगराध्यक्ष गुलाबराव देवकर यांची तब्बल एक तास चौकशी.१७ फेब्रुवारी २०१२- माजी नगरसेवक विजय वाणी यांनी तपासाधिकारी ईशू सिंधू व फिर्यादी डॉ.प्रवीण गेडाम यांच्याविरोधात औरंगाबाद उच्च न्यायालयात अवमान याचिका दाखल केली.२० फेब्रुवारी २०१२- प्रदीप रायसोनी, राजा मयूर, मेजर वाणी, पी.डी.काळे यांचा जामीन फेटाळला.१० मार्च २०१२- आमदार सुरेशदादा जैन यांना जळगाव पोलिसांनी धरणगाव येथे रात्री ११.५० वाजता ताब्यात घेऊन मध्यरात्री १.३० वाजता अटक केली.११ मार्च २०१२- अतिरिक्त सत्र न्यायाधीश व्ही.एस.दीक्षित यांनी आमदार सुरेशदादा जैन यांना १९ मार्च पर्यंत पोलीस कोठडी सुनावली.२६ मार्च २०१२- प्रदीप रायसोनी, राजा मयूर, मेजर वाणी यांचा जामीन औरंगाबाद हायकोर्टाने फेटाळला तर मुख्याधिकारी पी.डी.काळे यांना जामीन मंजूर.१७ मे २०१२- पालकमंत्री गुलाबराव देवकर यांच्यासह ४६ जणांना नोटीस व १९ मे रोजी पोलीस स्टेशनमध्ये हजर राहण्याचे आदेश.१९ मे २०१२- पालकमंत्री गुलाबराव देवकर यांचा पोलिसांना चकवा. दुपारी तब्बेत खराब असल्याने आपण नंतर हजर होऊ असा पोलीस अधीक्षक कार्यालयात फॅक्स पाठविला.२१ मे २०१२- पालकमंत्री गुलाबराव देवकर यांची जिल्हापेठ पोलीस स्टेशनमध्ये हजेरी. पोलिसांनी अटक करीत त्यांना न्यायालयात हजर केले. त्यांच्यासह १९ संशयितांना न्यायालयाने सशर्त जामीन मंजूर केला.४ जुलै २०१२- औरंगाबाद खंडपीठाने पालकमंत्री गुलाबराव देवकर यांना १८ जुलै रोजी हजर राहण्याचे आदेश दिले.१८ जुलै २०१२- औरंगाबाद खंडपीठात पालकमंत्री देवकर यांची दांडी. न्यायालयाने कामकाजासाठी २० जुलै ही तारीख दिली.२० जुलै २०१२- हायकोर्टाने घरकूल प्रकरणात सादर केलेल्या आरोपपत्राची प्रत सादर करण्याचे आदेश दिले.२७ जुलै २०१२- पोलिसांनी पालकमंत्री देवकर यांच्या अटकेनंतर न्यायालयात सादर केलेल्या रिमांड रिपोर्ट उच्च न्यायालयात सादर केला.३१ जुलै २०१२- न्यायालय सुटीवर असल्याने पालकमंत्री देवकर यांच्या विरोधातील याचिकेवरील निर्णय आठवडाभरानंतर.२ सप्टेबर २०१६- सुरेशदादा जैन सर्वोच्च न्यायालयाने जामीन मंजूर केला.४ सप्टेबर २०१६- सुरेशदादा जैन यांचे धुळे कारागृहातून सुटका झाल्यानंतर जळगाव शहरात आगमन