जालना: वाळूची अवैध वाहतूक करणाऱ्या टिप्परवर कारवाई न करण्यासाठी आणि मासिक हप्ता म्हणून ३० हजार रुपयांची लाच स्वीकारताना मंठा पोलीस ठाण्याच्या पोलीस निरीक्षकासह एका कर्मचाऱ्याला लाचलुचपत प्रतिबंधक विभागाने (ACB) रंगेहाथ पकडले. छत्रपती संभाजीनगर एसीबीच्या पथकाने गुरुवारी रात्री ही धडक कारवाई केली.
या प्रकरणी पोलीस निरीक्षक मनोज कुमार राठोड आणि पोलीस अंमलदार रवी गणपत जाधव यांना ताब्यात घेण्यात आले आहे. तक्रारदाराचा वाळू वाहतुकीचा व्यवसाय असून, त्यांचा टिप्पर न पकडण्यासाठी आरोपींनी ५० हजार रुपयांच्या मासिक हप्त्याची मागणी केली होती. यापूर्वीच १० हजार रुपये स्वीकारले गेले होते. उर्वरित रकमेसाठी तगादा लावल्याने तक्रारदाराने एसीबीकडे धाव घेतली.
पडताळणी दरम्यान, जाधव याने ५० हजार हप्त्याचे आणि स्वतःसाठी ५ हजार अशा एकूण ५५ हजार रुपयांची मागणी केल्याचे स्पष्ट झाले. विशेष म्हणजे, पोलीस निरीक्षक राठोड यांनी तक्रारदाराला "अवैध वाळूच्या इतर दोन गाड्या पकडून दिल्यास हप्त्यात सूट देऊ" अशी अजब ऑफर देत लाच घेण्यास प्रोत्साहन दिले. तडजोडीअंती ३० हजार रुपये ठरले. मंठा पोलीस ठाण्यातील गोपनीय शाखेत सापळा रचून ही रक्कम स्वीकारताना जाधव याला रंगेहाथ पकडण्यात आले. दोन्ही आरोपींविरुद्ध गुन्हा दाखल करण्याची प्रक्रिया सुरू असून त्यांच्या घरांचीही झडती घेतली जात आहे.
Web Summary : In Jalna, an inspector and officer were arrested accepting ₹30,000 bribe for allowing illegal sand transport. The ACB caught them red-handed after a complaint about monthly extortion demands. The inspector even offered a discount for snitching on other illegal transporters.
Web Summary : जालना में, एक इंस्पेक्टर और अधिकारी को अवैध रेत परिवहन की अनुमति देने के लिए ₹30,000 की रिश्वत लेते हुए गिरफ्तार किया गया। एसीबी ने मासिक उगाही की शिकायतों के बाद उन्हें रंगे हाथों पकड़ा। इंस्पेक्टर ने अन्य अवैध ट्रांसपोर्टरों पर जानकारी देने पर छूट की पेशकश भी की।