जालना : भारताचा लोकहितवादी युवा संघाच्या वतीने महात्मा गांधीजी यांना अभिवादन करण्यात आले. यावेळी अनिल गायकवाड, गौरव चव्हाण आदींची उपस्थिती होती.
बांधकाम साहित्य रस्त्यावर
जालना : शहरांतर्गत भागात ठिकठिकाणी बांधकामे सुरू आहेत. या बांधकामासाठी वापरले जाणारे साहित्य रस्त्यावर टाकले जात आहे. त्यामुळे वाहतुकीला अडथळा निर्माण होत असून, अपघाताचाही धोका वाढला आहे.
सूचनांचे उल्लंघन
जालना : शहरासह ग्रामीण भागात कोरोनाचे रुग्ण आढळून येण्याचे प्रमाण कायम आहे, परंतु शहरातील बाजारपेठेत येणारे बहुतांश नागरिक मास्क वापरत नाहीत, शिवाय सुरक्षित अंतराच्या सूचनेलाही तिलांजली दिली जात आहे.
अपघाताचा धोका
भोकरदन : शहरातील मुख्य बाजारपेठेतील रस्त्यावरच अनेक वाहन चालक वाहने लावत आहेत. त्यामुळे वाहतूककोंडी होत असून, अपघाताचाही धोका वाढला आहे. त्यामुळे पोलिसांनी कारवाई मोहीम राबविण्याची मागणी होत आहे.
लोंढे यांचा सत्कार
राणीउंचेगाव : घनसावंगी विभागातील कृषी सहायक संजय लोंढे यांनी केलेल्या उल्लेखनीय कार्याबद्दल पालकमंत्री राजेश टोपे यांच्या हस्ते त्यांचा सत्कार करण्यात आला.