जालना : संपूर्ण जगाला मानवतेचा संदेश इस्लाम धर्माने दिला. मात्र, या धर्माविरद्ध षड्यंत्र रचले जात आहे, त्यात सोशल मीडियाचाही मोठा वाटा आहे. याविरूद्ध लढण्याची जबाबदारी समाजातील सुशिक्षित वर्गाला सांभाळावी लागेल, त्यासाठी मुस्लिम समाजातील वकीलांनी पुढाकार घ्यावा, असे मत रजा अकादमीचे महाराष्ट्र अध्यक्ष अलहाज मोहंमद सईद नूरी यांनी व्यक्त केले.
जालना येथे घेण्यात आलेल्या तहफ्फुजे नामुसे रिसालत बोर्डच्या बैठकीत सईद नूरी यांनी वकीलांशी संवाद साधला. यावेळी मौलाना मोहंमद अब्बास रजवी, मौलाना जफरोद्दीन, अहमद रजा, इकबाल वोरा, सय्यद नदीम यांच्यासह जमील मौलाना, मौलाना गुलाम जिलानी मिसबाही, मुनवरखान लाला आदी उपस्थित होते.
प्रारंभी हा हाफिज वसीम रजा यांनी प्रास्ताविक केले. जमील मौलाना यांनी बैठकीचा उद्देश स्पष्ट करून कोणत्याही धर्माच्या भावना दुखावणाऱ्यांवर कारवाई झालीच पाहीजे, असे स्पष्ट केले. त्यासाठी कायद्याचा आधार घेऊन दोषींना शिक्षा होणे गरजेचे असल्याचेही ते म्हणाले. या कामात वकिलांनी पुढाकार घ्यावा, असे आवाहनही त्यांनी केले.
बैठकीस ॲड. राशेद, ॲड. सय्यद रहमत अली, सोहेल सिद्दीकी, ॲड. याकूब, ॲड. अर्शद बागवान, सैय्यद जहीर बियाबानी, ॲड. सय्यद शाहेद, ॲड. शेख अहमद, ॲड. अमजद पठान, ॲड. सोहेल खान, ॲड. खुर्रम खान, ॲड. अलीम परसुवाले, ॲड. अनसार शेख आदींची उपस्थिती होती.
....
वकिलांनी मांडले म्हणणे
समाजात असंतोष निर्माण करणाऱ्यांविरूद्धच्या खटल्यात वकिलांची संपूर्ण टीम उभी राहील, अशी ग्वाही जालन्यातील वकिलांनी या बैठकीत दिली.
हायकोर्टाचे वकील सोहेल सिद्दकी यांनी सामाजिक शांततेचा भंग करणाऱ्यांविरूद्ध कोणते कायदे आहेत, याबाबत माहिती दिली. यावेळी ॲड. याकूुब अली, ॲड. शाहेद, ॲड. शेख अहमद यांनी मनोगत व्यक्त केले. ......
फोटो..पान २ मुस्लिम
तहफ्फुजे नामुसे रिसालत बोर्डाच्या बैठकीत बोलताना सईद नूरी, सोबत जमील मौलाना, मौलाना गुलाम जिलानी मिसबाही व इतर.