- पवन पवारवडीगोद्री ( जालना) : अंबड तालुक्यातील डोमलगाव येथील दोन तरुण गोदावरी नदीत पोहत होते. यावेळी एकाचा पाण्यात बुडून मृत्यू झाल्याची घटना शनिवारी सकाळी ९ वाजता घडली. ज्ञानेश्वर बाबासाहेब खराद ( १९ रा डोमलगाव ता. अंबड) असे मृत तरुणाचे नाव आहे.
गावातील तरुण बुडाल्याची माहिती गावात कळताच ग्रामस्थांनी गोदावरी नदी पात्राकडे धाव घेतली. बुडालेल्या तरुणाचा शोध घेण्यासाठी पटीचे पोहणारे ग्रामस्थ व मासेमार गोदावरी पात्रात उतरले. तब्बल दोन तासांच्या शोध कार्यानंतर तरुणाचा मृतदेह सापडला. ज्ञानेश्वरच्या मृत्यूमुळे खराद कुटुंबावर दुःखाचा डोंगर कोसळला असून डोमलगाव गावावर शोककळा पसरली आहे.