हायवाची बसला धडक १८ प्रवासी जखमी

हायवाचालकाने एसटी महामंडळाच्या बसला जोराची धडक दिल्याने बसमधील १८ प्रवासी किरकोळ जखमी झाल्याची घटना शनिवारी परतूर तालुक्यातील वाढोणा पाटीजवळ घडली.

वाटूर फाटा : हायवाचालकाने एसटी महामंडळाच्या बसला जोराची धडक दिल्याने बसमधील १८ प्रवासी किरकोळ जखमी झाल्याची घटना शनिवारी परतूर तालुक्यातील वाढोणा पाटीजवळ घडली.
परतूर आगाराची बस क्रमांक (एम.एच. २० बी.एल.२८६६ ) वाटूर वरुन परतूरला चालली होती. तर परतूर येथून हायवा क्रमांक (एम.एच.२० ए.जी. ९६९७) वाटूर कडे येत असलेल्या सुसाट हायवा चालकाचे हायवावरील नियंत्रण सुटल्याने चालकाच्या डाव्या बाजून जोराची धडक दिली. बेसावधपणे बसलेल्या बसमधील अठरा प्रवाशांना किरकाळ मार लागल्याची माहिती पोलिसांनी दिली. अपघाताची माहिती मिळताच वाटूर पोलिसांनी जखमी झालेल्या प्रवाशांना तातडीने वाटूर येथील प्राथमिक आरोग्य केंद्रात प्राथमिक उपचारसाठी दाखल केले होते. यू.बी. वावरे, परतूर आगार व्यवस्थापकांनी भेट दिली.