ब्राझीलमध्येलग्नाच्या एक दिवसआधी एका डॉक्टरचा होणाऱ्या पत्नीसमोर शॉक लागून जीव गेला. ही धक्कादायक घटना ते प्री वेडींग फोटोशूट करत असताना घडली. ३१ वर्षीय डॉक्टर डेनस रिकार्डो फारिया गर्जेलसोबत घडलेला हा अपघात फारच वेदनादायी आहे.
डॉक्टर डेनिस रिकार्डो गर्जेल आणि त्याची होणारी पत्नी लग्नाच्या एक दिवसआधी प्री वेडींग फोटोशूट करत होते. यादरम्यान डॉक्टर डेनिसचं हाय व्होल्टेज शॉक लागल्याने निधन झालं. Mirror च्या रिपोर्टनुसार डॉक्टर डेनिस आपल्या होणाऱ्या पत्नीसोबत कॅरिरि डो टोकांटिन्सला फोटोशूट करण्यात गेले होते.
हे ठिकाण ब्राझीलच्या राजधानीपासून जवळपास ५५० किलोमीटर दूर आहे. यादरम्यान डॉक्टर डेनिसची मासे पकडण्याची छडी एका हाय व्होल्टेज वायरमध्ये अडकली. यानंतर डेनिस वायरमधून हुक काढण्याचा प्रयत्न करत होता. अशात त्याने दोन्ही हात वायरला लागले आणि काही क्षणात त्याला आपला जीव गमवावा लागला.
नंतर समोर आलं की वायरचा काही भाग शॉर्ट झाला होता. त्यावरील प्लास्टिक निघालं होतं. ज्यामुळे ही धक्कादायक दुर्घटना घडली. माहिती मिळताच फायर ब्रिगेड आणि अॅम्बुलन्स घटनास्थळी पोहोचली. पण तोपर्यंत डेनिसचा मृत्यू झाला होता.
डेनिस ब्राझीलच्या Gurupi नगर येथील आरोग्य विभागात काम करत होता. त्यासोबतच कोरोना काळातही त्याने अनेक शिफ्ट्समध्ये काम केलं. त्याच्या हॉस्पिटलकडून लिहिण्यात आले की, डॉक्टर डेनिस फारद मदत करणारे, विनम्र आणि सहकाऱ्यांसोबत-रूग्णांचेही प्रिय होते. लग्नाच्या एक दिवस त्यांचा मृत्यू झाल्याने आम्हा सर्वांना धक्का बसला आहे.