१०० हून अधिक पाकिस्तानी सैनिकांना मारणारा टीटीपी कमांडर अहमद काझीम कोण ? असीम मुनीरही घाबरला

अहमद काझिम हा टीटीपी कमांडर आहे. पाकिस्तानी सैन्याला हवा असलेला तो मोठा दहशतवादी आहे. त्याच्यावर १० कोटी पाकिस्तानी रुपयांचे बक्षीस ठेवण्यात आले आहे.

तहरीक-ए-तालिबानच्या हल्ल्यांमुळे पाकिस्तान गंभीर परिस्थितीचा सामना करत आहे. पाकिस्तान आणि अफगाणिस्तानमध्ये अनेक दिवस युद्धासारखी परिस्थिती होती, त्यानंतर अखेर युद्धबंदी झाली. दोन्ही देशांमध्ये परिस्थिती तणावपूर्ण आहे. टीटीपीच्या सततच्या हल्ल्यांमुळे पाकिस्तान अधिकच त्रस्त आहे. या हल्ल्यांमागे टीटीपी कमांडर अहमद काझिमचा हात आहे. आतापर्यंत १०० हून अधिक पाकिस्तानी सैनिकांचा खात्मा केला. २९ ऑक्टोबर रोजी पाकिस्तानच्या वायव्य खैबर पख्तूनख्वा प्रांतात सुरक्षा दलांच्या ताफ्याला लक्ष्य करणाऱ्या आयईडी स्फोटामागेही काझिमचा हात असल्याचा संशय आहे, यामध्ये पाकिस्तानी लष्कराच्या कॅप्टनसह सहा सैनिकांचा मृत्यू झाला होता.

भारतात लवकरच अमेरिकेचे इंटरनेट सुरू होणार, आज अन् उद्या मुंबईत 'स्टारलिंक'चा डेमो होणार 

तो टीटीपी फील्ड मार्शल म्हणून ओळखला जातो आणि कुर्रमचा जिल्हा कमांडर आहे. पाकिस्तानी सैन्याने त्याच्यावर १०० मिलियन पाकिस्तानी रुपयांचे बक्षीस ठेवले आहे. काझीम कुर्रमचा सावली गव्हर्नर म्हणून काम करतो. त्याच्यावर १०० पाकिस्तानी सैनिकांना मारल्याचाही आरोप आहे. तो इतर टीटीपी कमांडरपेक्षा वेगळा आहे. तो ऑपरेशनल स्पीडला मानसिक युद्धाशी जोडतो. तो आधी आयईडीचा स्फोट करतो आणि नंतर स्वयंचलित बंदुका गोळीबार करतो, नंतर पाकिस्तानी सैन्याला संदेश देण्यासाठी हल्ल्याचा व्हिडीओ कॅप्चर करतो.

एका टीटीपी कमांडरचा एक व्हिडीओ समोर आला आहे. यामध्ये काझिमने पाकिस्तानी लष्करप्रमुख असीम मुनीर यांना उघडपणे धमकी दिली आहे. व्हिडिओमध्ये काझिम म्हणतो, "जर तुम्ही पुरुष असाल तर आमच्याशी सामना करा. हा व्हिडीओ पाहून सैन्य घाबरले आणि त्यांनी दहा कोटी रुपयांचे बक्षीस जाहीर केले. कुर्रम जिल्ह्यातील रहिवासी असलेल्या काझिमवर कुर्रमचे उपप्रमुख जावेदुल्लाह मेहसूद यांच्या हत्येचा कट रचल्याचा आरोप आहे.