रशिया शांतपणे कशाची तयारी करतंय? पाश्चात्य देशांनी इशारा दिला; जगासाठी धोक्याची घंटा

ब्रिटन आणि जर्मनीने रशियन उपग्रहांबद्दल इशारे दिले आहेत, रशियाच्या अंतराळ एक्टीव्हीटीमुळे आता त्यांच्या सुरक्षेला थेट धोका निर्माण होत असल्याचा दावा या दोन्ही देशांनी केला.

जर्मनी आणि ब्रिटनने रशियन आणि चिनी अंतराळ उपग्रहांमुळे निर्माण होणाऱ्या वाढत्या धोक्याबद्दल इशारा दिला आहे. रशियन आणि चिनी उपग्रह सतत पाश्चात्य उपग्रहांवर हेरगिरी करत असल्याचे त्यांना म्हटले आहे. रशिया वारंवार त्यांच्या उपग्रहांवर लक्ष ठेवत असल्याचा दावा ब्रिटन आणि जर्मनीने केला. त्यांचे उपगृह जाम करत असल्याचा आरोप केला आहे. 

अंतराळातील त्यांच्या कामकाजात हस्तक्षेप करत आहेत. जर्मन संरक्षण मंत्री बोरिस पिस्टोरियस यांनी सप्टेंबरमध्ये बर्लिन परिषदेदरम्यान एक दावा केला होता. रशियाच्या अॅक्टिव्हीटी विशेषतः अंतराळातील, आपल्या सर्वांसाठी एक मूलभूत धोका निर्माण करतात, एक धोका आपण आता दुर्लक्ष करू शकत नाही.

बिहारमध्ये शेवटच्या क्षणी NDA चा मास्टर स्ट्रोक...! नीतीश फ्रंटफुटवर, पंतप्रधान सोबत, महिलांच्या 10 हजारी स्कीमसंदर्भात मोठी घोषणा

जागतिक थिंक टँक RAND च्या मते, माहिती उपग्रहांना लक्ष्य केल्याने उपग्रह फोटो, दूरसंचार आणि ब्रॉडबँड उपग्रह इंटरनेट सारख्या सेवांवर परिणाम होऊ शकतो. नेव्हिगेशन आणि पोझिशनिंग सिस्टममध्ये व्यत्यय आणल्याने लष्करी ऑपरेशन्स तसेच नागरी विमान वाहतूक प्रभावित होऊ शकते.

रशियाने युक्रेनवर केलेल्या आक्रमणादरम्यान हे इशारे देण्यात आले आहेत. मॉस्कोने चीनसोबतचे सहकार्य वाढवले ​​आहे आणि बीजिंग रशियाच्या वतीने युक्रेनियन भूभागावर उपग्रह देखरेख करत आहे, असे युक्रेनियन अधिकाऱ्यांचे म्हणणे आहे. 

रशिया काय करत आहे?

जर्मन सशस्त्र दल आणि त्यांच्या सहयोगींनी वापरल्या जाणाऱ्या दोन इंटेलसॅट उपग्रहांचा मागोवा घेत दोन रशियन गुप्तचर उपग्रह अलीकडेच आढळले आहेत. इंटेलसॅट ही एक व्यावसायिक उपग्रह सेवा प्रदाता आहे ज्याचा ताफा अमेरिका आणि युरोपमधील सरकारे आणि कंपन्या वापरतात. 

रशिया आणि चीनने अलिकडच्या काळात त्यांच्या अंतराळ युद्ध क्षमता वेगाने वाढवल्या आहेत. ते उपग्रहांना अडकवू शकतात, त्यांच्यात व्यत्यय आणू शकतात किंवा त्यांना पूर्णपणे नष्ट देखील करू शकतात. जर्मनी त्यांच्या अंतराळ कार्यक्रमांसाठी अनेक अब्ज डॉलर्स अतिरिक्त निधी प्रदान करेल अशी घोषणा करताना पिस्टोरियस यांनी ही घोषणा केली.

यूके स्पेस कमांडच्या प्रमुखांनी रशियाकडून येणाऱ्या धोक्याचाही उल्लेख केला. रशियन उपग्रह अंतराळात यूकेच्या उपग्रहांचा मागोवा घेत आहेत आणि आठवड्याला उपग्रहांनाही अडवत आहेत.