मुंबई : सुशांत सिंग राजपूतच्या आत्महत्येला महिना उलटला आहे. त्याच्या आत्महत्येची सीबीआय चौकशी करण्याची मागणी त्याच्या प्रेयसीसह अनेकांनी केली आहे. त्याच्या मृत्यूने त्याचे फॅन्स, कुटुंबीय, मित्र साऱ्यांनाच मोठा धक्का बसला आहे. प्रत्येकजण त्याच्या परतण्याकडे भाबडी आशा ठेवून आहे. पण आता ते केवळ अशक्य आहे. कारण बॉलिवूडचा उभरता तारा कायमचा निखळला आहे.
थांबा, सुशांत आजही 'जिवंत' आहे. होय आत्म्यांशी बोलणारे प्रसिद्ध अतिंद्रीय शक्ती तज्ज्ञ स्टीव्ह हफ्फ यांनी हा दावा केला आहे. सुशांतच्या आत्म्याशी बोलल्याचा दावा त्यांनी केला आहे. नुसता दावाच नाही त्यांनी याचा व्हिडीओही बनविला आहे. या व्हिडीओमध्ये स्टीव्ह यांनी सुशांतच्या चाहत्यांनीच मोठ्या प्रमाणावर आपल्याला गळ घातल्याचे त्यांनी म्हटले आहे. सुशांतच्या आत्म्याशी संपर्क साधण्याचे आवाहन मेसेज, ईमेलद्वारे या चाहत्यांनी केल्याचे स्टीव्ह म्हणतात.
13 जुलै रोजी स्टीव्ह यांनी सुशांतच्या आत्म्याशी बोलण्याचा प्रयत्न केला. दहा वर्षांपूर्वी त्यांनी या तंत्रज्ञानाचा शोध लावला आहे. या वेळी त्यांनी सुशांतचा आत्मा बोलण्यासाठी येतो का हे देखील पाहिले. सुशांतशी बोलताना त्यांना एका महिलेचाही आवाज आला. यावर त्यांनी सुशांत एकटा नाहीय, त्याच्यासोबत एक महिलाही असल्याचा दावा स्टीव्ह यांनी केला. या साऱ्या प्रयोगाचा त्यांनी युट्यूबवर व्हिडीओ पोस्ट केला आहे. तसेच त्याचे आभारही मानले आहेत.
याचबरोबर त्यांनी मी आणखी एकदा सुशांतशी बोलण्याचा प्रयत्न करेन. त्याला आणखी काही प्रश्न विचारेन असे आश्वासन स्टीव्ह यांनी त्याच्या चाहत्यांना दिले आहे. महिलेचा आवाज आल्यावर बोलणे थांबल्याचे ते म्हणत आहेत.
काय बोलला सुशांत?स्टीव्ह यांनी सुशांतला तुझा मृत्यू कसा झाला असा प्रश्न विचारला. यावर त्या मशीनमध्ये आवाज येतो, '' इथे मला प्रकाश मिळाला आहे हफ, त्यांना सांग मला प्रकाश मिळालाय. आता हा प्रकाश कमी होत चालला आहे. ते तुला पाहत आहे. मी खरेच देवाला भेटू इच्छित होतो. तुम्हाला माहिती आहे का, मी त्यांना काय सांगू इच्छित आहे. माझा आत्मा ठीक आहे आणि तो स्वर्गात आहे. यावर स्टीव्ह यांनी सुशांतला तू जीव का दिलास? असा प्रश्न विचारला तेव्हा पलिकडून आवाज आला की, ''बदला साठी''. यावेळी आणखी काही आवाज आले. यामध्ये एक पुरुष आणि महिला असल्याचे स्टीव्ह यांनी म्हटले आहे.
स्टीव्ह यांच्यानुसार ते १० वर्षांपासून आत्म्यांशी बोलतात. यासाठी त्यांनी एक यंत्र बनविले आहे. याद्वारे त्यांना आत्म्याचा आवाज ऐकू येतो. स्टीव्ह यांनी पॅट्रिक स्वेज, मायकल जॅक्सनच्या आत्म्यांशीही अशाप्रकारे बोलले आहेत.
याआधीही सुशांतच्या आत्म्याशी बोलणे...सुशांतच्या मृत्यूसंदर्भात एका पॅरानॉर्मल रिसर्चचा एक व्हिडीओ सध्या तुफान व्हायरल होतोय. या व्हिडीओत सुशांतने आत्महत्या केली नसून त्याची हत्या झाल्याचा दावा केला जातोय. सुशांतच्या मृत्यूसंदर्भात कॉस्मो पॅरानॉर्मल अ‍ॅण्ड घोस्ट हंटिंग सोसायटी ऑफ इंडिया-युके-युएसएच्या एका व्यक्तिने प्रसिद्ध पॅरानॉर्मल एक्स्पर्ट शॉन लार्सन व ट्रासा लार्सनसोबत चर्चा केली. आम्ही सुशांतच्या आत्म्यासोबत बोललो. यावेळी सुशांतने स्वत: त्याची हत्या झाल्याचे सांगितल्याचा दावा या व्हिडीओतील एक्स्पर्ट करत आहेत. एक्स्पर्ट म्हणतात, सुशांतला कोणी मारले, हे सध्या आम्ही सांगू शकत नाही. पण सुशांतची हत्या करणारा एक पुरूष होता आणि हत्या करताना त्याने काळ्या रंगाचा शर्ट घातला होता, एवढे मात्र आम्ही सांगू शकतो. आम्ही लवकरच सत्य आणून काढून सुशांत व त्याच्या चाहत्यांना न्याय देण्याचा प्रयत्न करू. आता या दाव्यात किती तथ्य आहे, हे आम्हाला ठाऊक नाही. पण सुशांतचे चाहते त्याला न्याय मिळवून देण्यासाठी वाट्टेल ते करायला तयार आहेत, हेच यातून दिसतेय.
अन्य महत्वाच्या बातम्या....
ब्रिटन गेमचेंजर ठरणार! मृत्यूच्या दाढेतील कोरोनाबाधितांना वाचविले; स्टेरॉईडची चाचणी यशस्वी
राजस्थान सत्तासंघर्षावर पहिल्यांदाच वसुंधराराजेंची प्रतिक्रिया; गेहलोतांना थेट मदतीचा झालेला आरोप
चीन चवताळला! दक्षिण समुद्रात घुसलेल्या अमेरिकेला दिले चोख प्रत्यूत्तर
लॉकडाऊनमध्ये भविष्याची चिंता; लोकांची या सरकारी योजनेकडे 'उडी', तुम्हीही विचार करा...
अखेर पॉझिटिव्ह बातमी आली! सीरम इन्स्टिट्यूटला मोठा दिलासा; ऑक्सफर्डच्या लसीची चाचणी यशस्वी