इराण आणि अमेरिका यांच्यातील युद्धाने आता एक नवे वळण घेतले आहे. इराकच्या आकाशात अमेरिकेचे सर्वात शक्तिशाली मानले जाणारे F-15 फायटर जेट आणि इराणचे स्वस्त शाहेद ड्रोन यांच्यात 'टॉम अँड जेरी' सारखा खेळ पाहायला मिळाला. या घटनेचा व्हिडिओ सध्या सोशल मीडियावर वाऱ्यासारखा पसरला असून, ८० मिलियन डॉलरचे विमान एका स्वस्त ड्रोनला रोखण्यात अपयशी ठरल्याने अमेरिकेच्या संरक्षण तंत्रज्ञानावर प्रश्नचिन्ह उपस्थित केले जात आहे.
व्हायरल झालेल्या व्हिडिओमध्ये दिसत आहे की, अमेरिकेचे F-15 फायटर जेट इराणच्या शाहेद ड्रोनचा पाठलाग करत आहे. मात्र, इराणच्या या ड्रोनने अत्यंत चपळाईने फायटर जेटला चकवा दिला आणि इराकमधील एरबिल येथील एका ब्रिटिश ऑईल कंपनीच्या (कॅस्ट्रोल फॅसिलिटी) तळावर यशस्वीरीत्या हल्ला केला. या हल्ल्यामुळे कंपनीचे मोठे नुकसान झाले असून परिसरात भीषण आग लागली होती.
'असमतोल' हवाई युद्ध?इराण समर्थक सोशल मीडिया हँडल्सवरून हा व्हिडिओ शेअर करताना दावा केला जात आहे की, आता महागड्या युद्धविमानांचा काळ संपत चालला असून स्वस्त ड्रोन तंत्रज्ञान जगावर राज्य करेल. "८० मिलियन डॉलरचे फायटर जेट विरुद्ध काही हजार डॉलरचे ड्रोन आणि विजय ड्रोनचाच झाला," अशा कॅप्शनसह हे व्हिडिओ व्हायरल होत आहेत.
डोनाल्ड ट्रम्प यांचे मोठे विधानदरम्यान, अमेरिका-इराण युद्धाच्या ३४ व्या दिवशी अमेरिकेचे राष्ट्राध्यक्ष डोनाल्ड ट्रम्प यांनी देशाला संबोधित केले. ट्रम्प यांनी स्पष्ट केले की, येत्या २ ते ३ आठवड्यांत अमेरिकन सैन्य इराणमधून बाहेर पडेल. आमचे जे उद्दिष्ट होते ते पूर्ण झाले आहे, असे त्यांनी म्हटले आहे. मात्र, जाण्यापूर्वी इराणवरील हल्ल्यांची तीव्रता अधिक वाढवली जाईल, असा इशाराही त्यांनी दिला.
Web Summary : A video shows an Iranian drone outmaneuvering a US F-15 in Iraq, raising questions about American defense technology. The drone successfully struck a British oil facility after the jet failed to intercept. Trump announced US troop withdrawal from Iran soon, hinting at intensified attacks before departure.
Web Summary : ईरान के एक ड्रोन ने इराक में अमेरिकी एफ-15 को चकमा दिया, जिससे अमेरिकी रक्षा तकनीक पर सवाल उठे। ड्रोन ने जेट द्वारा रोके जाने में विफल रहने के बाद एक ब्रिटिश तेल सुविधा पर सफलतापूर्वक हमला किया। ट्रम्प ने जल्द ही ईरान से अमेरिकी सैनिकों की वापसी की घोषणा की, प्रस्थान से पहले हमलों को तेज करने का संकेत दिया।