युक्रेनचं 'ऑपरेशन स्पायडरवेब'! ४ एअरबेस, ४० एअरक्राफ्ट उद्ध्वस्त; रशियाला २०० कोटी डॉलरचा फटका

सोशल मीडियात व्हायरल होणाऱ्या व्हिडिओत हवाई पट्टीवर उभी विमाने आगीच्या विळख्यात सापडून धूर उठत असल्याचे दिसते. दु

मागील ३ वर्षाहून अधिक काळ रशिया-युक्रेन यांच्यात युद्ध सुरू आहे. आता या युद्धाने नवे वळण घेतले आहे. युक्रेनने रशियात आतापर्यंतचा सर्वात मोठा हल्ला केला आहे. युक्रेनने ड्रोन हल्ल्याद्वारे रशियाच्या सायबेरियातील एअरबेसला टार्गेट केले. ज्यात ४० हून अधिक रशियन लढाऊ विमाने उद्ध्वस्त झाल्याचा दावा आहे. रशियन सैन्य तळांवर झालेल्या या हल्ल्याचे व्हिडिओ आता सोशल मीडियात व्हायरल होत आहेत.

सोशल मीडियात व्हायरल होणाऱ्या व्हिडिओत हवाई पट्टीवर उभी विमाने आगीच्या विळख्यात सापडून धूर उठत असल्याचे दिसते. दुसऱ्या एका व्हिडिओत हवेत उडणारा ड्रोनही नजरेस येत आहे. ज्यातून आग आणि धूर दिसत आहे. युक्रेनी पब्लिकेशन Pravda नुसार, युक्रेनने ऑपरेशन स्पायडरवेबमधून रशियात एक स्पेशल ऑपरेशन सुरू केले. त्यात रशियाच्या लांबच्या मारक क्षमतेतील विमानांना टार्गेट करण्यात आले. यु्क्रेनने रशियाच्या ४ एविएशन एअरबेसवर तैनात ४० लढाऊ बॉम्बर विमानांवर हल्ला केला. 

Ukrainian "Pavutyna" (spider net) operation is today's attack launched simultaneously on four russia's strategic aviation airbases has reportedly destroyed 40 (forty) strategic bombers on 4 (four) airbases: Belaya (4700 km from Ukraine), Dyagilevo (700 km), Olenya (2000 km),… pic.twitter.com/AYr5g7Xr7L

— Sergej Sumlenny, LL.M (@sumlenny) June 1, 2025

युक्रेनने त्यांच्या सीमेपासून ४७०० किमी आत घुसून रशियाच्या बेलाया एअरबेस, २००० किमी दूर ओलेन्या, ७०० किमी आत ड्यागिलेवो आणि ९०० किमी दूर असलेल्या ल्वानोवो एअरबेसवर ड्रोन हल्ला केला. युक्रेनने रशियातील या ड्रोन हल्ल्याला ऑपरेशन स्पायडरवेब असं नाव दिले. ज्यात रशियाच्या टीयू ९५, टीयू २२ एम ३ एअरक्राफ्टसह ए ५० हवाई वॉनिंग एअरक्राफ्टवरही हल्ला केला. युक्रेनने रशियाच्या ज्या विमानांवर हल्ला केला त्याची किंमत जवळपास २ बिलियन डॉलर म्हणजे २०० कोटी डॉलर इतकी होती. 

दरम्यान, रशियाने अलीकडेच युक्रेनी ट्रेनिंग सेंटरवर हल्ला केला होता. त्यात १२ युक्रेनी सैनिक मारले गेले तर ६० जखमी झाले होते. या घटनेची जबाबदारी स्वीकारत युक्रेनच्या सीनियर मिलिट्री कमांडर यांनी त्यांचा पदाचा राजीनामा दिला. मेजर जनरल मिखाइलो ड्रापाटी यांनी मागील वर्षी नोव्हेंबर महिन्यात वॉरटाइम लँड आर्मीचे प्रमुखपद स्वीकारले होते. रशियाच्या हल्ल्यात युक्रेनच्या सैनिकांचा मृत्यू झाला त्याची नैतिक जबाबदारी त्यांनी स्वीकारली. आपले १२ सैनिक ठार झाले, काही जखमी आहेत. या ट्रेनिंग बटालियनमध्ये युवांचा समावेश होता. त्यांना शिकायचे होते, मरायचे नव्हते असं जनरल मिखाइलो यांनी म्हटलं.