होर्मुझ सामुद्रधुनीवर ब्रिटन-फ्रान्सचा 'बिग प्लॅन'; ४० देशांना एकत्र आणणार, ट्रम्प यांना डच्चू

ब्रिटन आणि फ्रान्सने घेतलेली ही भूमिका अशावेळी समोर आली आहे जेव्हा अमेरिकन राष्ट्रपती डोनाल्ड ट्रम्प यांनी होर्मुझ सामुद्रधुनीची नाकेबंदी करण्याची घोषणा केली आहे

होर्मुझ सामुद्रधुनीबाबत जागतिक तणाव वाढला असताना आता युरोपने एक मोठं धोरणात्मक पाऊल उचलले आहे. ब्रिटन आणि फ्रान्स यांनी मिळून हा महत्त्वाचा सागरी जलमार्ग खुला करण्यासाठी आणि जागतिक व्यापार सुरक्षित करण्यासाठी मल्टीनॅशनल प्लॅन तयार केला आहे. ब्रिटनचे पंतप्रधान किएर स्टार्मर यांनी ४० हून अधिक देशांची मोठी शिखर परिषद बोलावण्याची घोषणा केली आहे.

स्टार्मर यांनी म्हटलं की, होर्मुझ सामुद्रधुनी बंद राहणे हे जगाच्या दृष्टीने नुकसानाचं आहे. जागतिक जल वाहतूक बंद झाली तर त्याचा थेट परिणाम महागाई आणि लोकांच्या दैनंदिन आयुष्यावर होऊ शकतो. त्यामुळेच ब्रिटन आणि फ्रान्स यांनी मिळून असं कोऑर्डिनेटेड इंडिपेंडेंट आणि मल्टीनॅशनल प्लॅन तयार केला आहे ज्यातून युद्ध संपल्यानंतर हा सागरी मार्ग पूर्णपणे सुरक्षित आणि चालू राहू शकतो असं त्यांनी सांगितले.

ब्रिटन आणि फ्रान्सने घेतलेली ही भूमिका अशावेळी समोर आली आहे जेव्हा अमेरिकन राष्ट्रपती डोनाल्ड ट्रम्प यांनी होर्मुझ सामुद्रधुनीची नाकेबंदी करण्याची घोषणा केली आहे. अमेरिकेच्या या नाकेबंदी इतर देशही सहभागी होतील असा दावा ट्रम्प यांनी केला परंतु ब्रिटनने स्पष्ट शब्दात ना ते नाकेबंदीचे समर्थन करणार, ना इराणविरोधात कुठल्याही सैन्य कारवाईचा भाग बनतील हे नाकारले आहे. आमचे लक्ष केवळ होर्मुझ सामुद्रधुनी खुली करण्यावर आहे. आम्ही युद्धात सहभागी होणार नाही असं ब्रिटनने खुलासा केला आहे.

The ongoing closure of the Strait of Hormuz is deeply damaging. Getting global shipping moving is vital to ease cost of living pressures.

The UK has convened more than 40 nations who share our aim to restore freedom of navigation.

This week the UK and France will co-host a…

— Keir Starmer (@Keir_Starmer) April 13, 2026

दरम्यान, ब्रिटन आधीच या क्षेत्रात हजर आहे. त्यांनी माइनस्वीपर जहाजे आखातात तैनात केली आहेत. ज्याचा मुख्य हेतू सागरी रस्ता सुरक्षित करणे आहे. ही तैनाती कुठल्याही युद्धाचा भाग होण्यासाठी नाहीत तर जागतिक शिपिंग वाहतूक पुन्हा पूर्ववत करण्यासाठी आहेत असं ब्रिटनचे पंतप्रधान म्हणाले. ब्रिटन आणि फ्रान्सने घेतलेली भूमिका अमेरिकन धोरणापेक्षा वेगळी दिसत आहे. एकीकडे अमेरिका दबाव आणि सैन्य ताकद वापरून या समस्येवर तोडगा काढू इच्छिते तर दुसरीकडे युरोपियन देश जागतिक सहकार्याद्वारे यावर उत्तर शोधण्याचा प्रयत्न करत आहेत. जागतिक पातळीवर अनेक देश होर्मुझ स्ट्रेटवरून वाढणारा तणावाने चिंतेत आहेत. ते कुठल्याही सैन्य संघर्षात जाण्यास तयार नाहीत.