अमेरिकन हवाई दलाच्या एलिट 'थंडरबर्ड्स' डेमॉन्स्ट्रेशन स्क्वॉड्रनचे एक एफ-१६ सी फायटिंग फाल्कन लढाऊ विमान बुधवारी सकाळी दक्षिण कॅलिफोर्नियाच्या वाळवंटात कोसळले. प्रशिक्षण मोहिमेदरम्यान हा अपघात झाला, अशी माहिती लष्कराने दिली आहे. अपघातादरम्यान वैमानिक जेटमधून सुरक्षितपणे बाहेर पडण्यात यशस्वी झाला. या अपघातात वैमानिकाला किरकोळ दुखापत झाली असून, त्याच्यावर रुग्णालयात उपचार सुरू आहेत.
मिळालेल्या माहितीनुसार, हा अपघात सकाळी १०:४५ वाजता कॅलिफोर्नियाच्या नियंत्रित हवाई क्षेत्रात प्रशिक्षण मोहिमेदरम्यान झाला. विमानाने आपत्कालीन परिस्थितीची तक्रार नोंदवल्यानंतर, अग्निशमन विभागाने लॉस एंजेलिसच्या उत्तरेस सुमारे २९० किलोमीटर अंतरावर असलेल्या मोजावे वाळवंटातील ट्रोना क्षेत्राजवळ अपघात झाल्याची नोंद घेतली. या विमान अपघाताची चौकशी सुरू करण्यात आली. ५७ व्या विंग पब्लिक अफेयर्स ऑफिसकडून अधिक माहिती जाहीर केली जाईल.
१९५३ मध्ये स्थापन झालेले 'थंडरबर्ड्स' हे एअर शोमध्ये जवळून उड्डाण करण्यासाठी प्रसिद्ध आहेत, जिथे वैमानिक एकमेकांपासून इंच अंतरावर सराव करतात. ही टीम एफ-१६ फाल्कन, एफ-२२ रॅप्टर आणि ए-१० वॉर्थॉग सारखी विमाने वापरते आणि लास वेगासजवळील नेलिस एअर फोर्स बेसवर हंगामी प्रशिक्षण घेते.
यापूर्वी २०२२ मध्ये, नेव्हीचे F/A-18E सुपर हॉर्नेट जेट ट्रोनाजवळ कोसळले होते, ज्यात पायलटचा मृत्यू झाला होता. त्यानंतर ऑगस्ट महिन्यात पोलंडमध्ये एअर शोच्या रिहर्सल दरम्यान एक एफ-१६ लढाऊ विमान कोसळल्याने पायलटने आपले प्राण गमावले.
Web Summary : An F-16C fighter jet, part of the 'Thunderbirds' demonstration squadron, crashed in the California desert during a training mission. The pilot ejected safely and sustained minor injuries. The crash occurred near Trona, prompting an investigation by the Air Force.
Web Summary : कैलिफ़ोर्निया के रेगिस्तान में 'थंडरबर्ड्स' प्रदर्शन स्क्वाड्रन का एक एफ-16सी लड़ाकू विमान प्रशिक्षण मिशन के दौरान दुर्घटनाग्रस्त हो गया। पायलट सुरक्षित रूप से बाहर निकलने में सफल रहा और उसे मामूली चोटें आईं। वायु सेना द्वारा दुर्घटना की जांच की जा रही है।