फिलीपीन्समध्ये भयानक भूकंप: ६.९ तीव्रतेचा धक्का, ६० जणांचा मृत्यू, इमारती कोसळल्या

Philippines Earthquake News: फिलीपीन्समध्ये ६.९ तीव्रतेचा भूकंप आला, ६० ठार आणि ३७ जखमी. केबू शहरात इमारती कोसळल्या, त्सुनामी अलर्ट रद्द. २०२५ च्या सर्वात मोठ्या आपत्तीची स्थिती; रिंग ऑफ फायरमुळे धोका वाढला.

Philippines Earthquake: फिलीपीन्सच्या केबू प्रांतातील केबू शहराच्या किनाऱ्यावर मंगळवारी रात्री सुमारे १० वाजता ६.९ तीव्रतेचा जबरदस्त भूकंप झाला. या भूकंपामुळे ६० जणांचा मृत्यू झाला असून, ३७ जण जखमी झाले आहेत. एकट्या केबू प्रांतात २१ जणांचा मृत्यू झाल्याची नोंद आहे. सॅन रेमिजिओ शहरातील महापौर अल्फी रेन्स यांनी हे आकडे अधिकृतपणे जाहीर केले आहेत.

या भूकंपाने केबू शहरातील अनेक इमारती पूर्णपणे कोसळल्या, ज्यामुळे स्थानिक प्रशासनाला मोठा धक्का बसला. फिलीपीन्स सरकारने याला २०२५ च्या वर्षातील सर्वात घातक आपत्ती म्हणून वर्णन केले आहे. पॅसिफिक रिंग ऑफ फायरच्या जवळ असल्याने फिलीपींसमध्ये भूकंपांची वारंवारता जास्त असते, पण या वेळीचा धक्का अतिशय तीव्र होता.

त्सुनामी अलर्ट आणि बचाव कार्य; समुद्री पातळी बदलण्याची भीती

भूकंपानंतर फिलीपीन्सच्या भूकंप मापन यंत्रणेच्या (PHIVOLCS) ने त्सुनामीची शक्यता सांगत अलर्ट जारी केला आहे. यामुळे किनारी भागातील नागरिकांना सावध केले गेले आणि समुद्री प्रवाह व पाण्याच्या पातळीत बदल होण्याची भीती व्यक्त केली गेली. मात्र, नंतर हा अलर्ट रद्द करण्यात आला, ज्यामुळे थोडासा दिलासा मिळाला. बचाव कार्य तातडीने सुरू झाले असून, जखमींना रुग्णालयात दाखल करण्यात आले आहे. स्थानिक प्रशासनाने नागरिकांना किनारी भाग टाळण्याचा आणि सुरक्षित ठिकाणी राहण्याचा सल्ला दिला आहे.

Earthquake of magnitude 6.9 hits Philippines

6.9 magnitude , philippines earthquake video , viral video#Philippines#PhilippinesEarthquake#Earthquake#PrayForPhilippines#ViralVideo#BreakingNEWS#EarthquakeUpdate#TrendingNow#ViralNEWSpic.twitter.com/9GXYHr0TZz

— Alina Claire (@iAmAlinaClaire) October 1, 2025

 

रिंग ऑफ फायरमुळे वाढलेला धोका; इतिहासातील मोठे भूकंप

फिलीपीन्स हा पॅसिफिक रिंग ऑफ फायरचा भाग असल्याने येथे भूकंप, ज्वालामुखी आणि त्सुनामी सारख्या नैसर्गिक आपत्ती वारंवार घडतात. २०१३ मध्ये झालेल्या ८.० तीव्रतेच्या भूकंपानंतर हा सर्वात मोठा धक्का मानला जातोय. तज्ज्ञांच्या मते, टेक्टॉनिक प्लेट्सच्या हालचालींमुळे असे भूकंप होतात. यंदाच्या वर्षी फिलीपीन्समध्ये अनेक छोटे-मोठे भूकंप नोंदवले गेले, पण या वेळीचा भूकंप सर्वाधिक घातक ठरला.