पाकिस्तानवर मोठा प्रहार करा! पहलगाम हल्ल्यानंतर जगभरातील भारतीयांची निषेध आंदोलने

Pahalgam Terror Attack: जगभरातील भारतीय आणि हिंदू समुदायाकडून संताप व्यक्त, न्यायाची मागणी

Pahalgam Terror Attack: काश्मीरमधील पहलगाम येथे झालेल्या भयानक दहशतवादी हल्ल्यामुळे केवळ भारतातच नाही तर संपूर्ण जगात संताप आहे. जगभरातील भारतीय समुदाय या हल्ल्याविरुद्ध संताप व्यक्त करत आहे. पाकिस्तान पुरस्कृत दहशतवादी संघटना द रेझिस्टन्स फ्रंट (टीआरएफ) ने केलेल्या या हल्ल्यात २६ निष्पाप हिंदूंचा मृत्यू झाला. या घटनेनंतर जगभरातील भारतीय प्रवासी आणि हिंदू समुदायाचे सदस्य रस्त्यावर उतरले आहेत आणि न्यायाची मागणी करत आहेत. पाकिस्तानवर जोरदार प्रहार झालाच पाहिजे, अशी मागणी सर्वत्र होत आहे.

लंडनपासून मेलबर्न आणि कोपनहेगनपासून काठमांडूपर्यंत भारतीय समुदायाने पाकिस्तान पुरस्कृत दहशतवादाविरुद्ध मोठ्या प्रमाणात निदर्शने केली आहेत. लंडनमध्ये भारतीयांनी पाकिस्तान उच्चायुक्तालयाबाहेर निदर्शने केली, तर मेलबर्नमधील फेडरेशन स्क्वेअर आणि कोपनहेगनच्या रस्त्यांवरही संताप दिसून आला. सर्व ठिकाणी निदर्शकांनी भारतीय झेंडे फडकावले, बॅनर आणि फलक हातात घेतले आणि दहशतवादाविरुद्ध घोषणाबाजी केली. तसेच, हल्ल्यातील पीडितांना न्याय मिळावा अशी मागणी या आंदोलकांनी केली आहे.

#WATCH | Members of the Indian community staged a protest in Copenhagen, Denmark, condemning the Pahalgam Terrorist Attack.#PahalgamTerroristAttack#PahalgamTerrorAttack#JammuKashmir#JammuKashmirAttackpic.twitter.com/3QYkJiKGhi

— DD News (@DDNewslive) April 26, 2025

लंडनमध्ये जोरदार निषेध

लंडनमधील आंदोलनांदरम्यान पाकिस्तान उच्चायुक्तालयात तैनात असलेले वरिष्ठ पाकिस्तानी अधिकारी कर्नल तैमूर राहत यांनी भारतीय निदर्शकांकडे आक्षेपार्ह इशारा केल्याने तणाव वाढला. या घटनेचा व्हिडिओ सोशल मीडियावर झपाट्याने व्हायरल झाला, ज्यामध्ये त्या अधिकाऱ्याने 'चाय फॅन्टॅस्टिक है' असे लिहिलेले पोस्टर धरलेले दाखवले, जे २०१९ मध्ये विंग कमांडर अभिनंदन वर्धमान यांच्या अटकेचा संदर्भ देते. या चिथावणीखोर वृत्तीमुळे निदर्शकांचा राग आणखी भडकला.

VIDEO | Indian community stages protest outside the Pakistan High Commission in London against the Pahalgam terror attack that took 26 innocent lives.

(Full video available on PTI Videos – https://t.co/n147TvrpG7) pic.twitter.com/QDGnm7vPBl

— Press Trust of India (@PTI_News) April 26, 2025

कँडल मार्चद्वारे निदर्शने

पॅरिस, झुरिच, हेलसिंकी आणि स्पेनमधील विविध शहरांमध्ये मूक मोर्चे आणि मेणबत्ती पेटवून रॅली काढून भारतीय समुदायाने हल्ल्यातील बळींना श्रद्धांजली वाहिली. निदर्शकांनी पाकिस्तानवर दहशतवादाला आश्रय देण्याचा आरोप केला आणि जागतिक समुदायाने पाकिस्तानविरुद्ध कठोर कारवाई करण्याची मागणी केली. कोपनहेगनमध्ये मोठ्या संख्येने भारतीय प्रवासीही जमले आणि त्यांनी दहशतवादाविरुद्ध कँडल मार्च काढत एकत्रितपणे आवाज उठवला.

🚨 Frankfurt, Germany — Indian community stages a PROTEST rally against the Pahalgam terror attack, carrying posters EXPOSING Pakistan’s role in cross-border terror 👏

— Indians are protesting on the streets; where is German-based Dhruv Rathee? pic.twitter.com/mcggUzy1QX

— Megh Updates 🚨™ (@MeghUpdates) April 27, 2025

भारतीय समुदायांचा संताप

निदर्शने केवळ निषेधांपुरती मर्यादित नव्हती. जगभरातील भारतीय समुदायांनी आपापल्या देशांच्या सरकारांना निवेदने सादर करून दहशतवादाविरुद्ध आंतरराष्ट्रीय दबाव आणण्याची मागणी केली. मेलबर्नमधील भारतीय समुदायाने एकता दाखवली. दहशतवादी संघटनांना पाठिंबा दिल्याबद्दल पाकिस्तानला मोठी किंमत मोजावी लागेल असेही आंदोलक म्हणाले.