अजबच विनोद...! अमेरिका-इराण सीजफायरनंतर पाकिस्तानची थेट 'नोबेल' शांतता पुरस्काराची मागणी

स्थानिक माध्यमे आणि काही संघटना पाकिस्तानला नोबेल शांतता पुरस्कार देण्याची मागणी करत आहेत.

अमेरिका आणि इराणमध्ये बुधवारी झालेल्या सशर्त युद्धविरामाचे श्रेय घेण्यासाठी पाकिस्तानचा जोरदार आटापिटा सुरू आहे. आता पाकिस्तानला नोबेल शांतता पुरस्कार देण्याची मागणी केली जात आहे. ही मागणी म्हणजे अजबच विनोद आणि अत्यंत हास्यास्पद वाटते. स्थानिक माध्यमे आणि काही संघटना पाकिस्तानला नोबेल शांतता पुरस्कार देण्याची मागणी करत आहेत.

खरेतर, युद्धविरामाची घोषणा करताना अमेरिकेचे अध्यक्ष डोनाल्ड ट्रम्प यांनी शहबाज शरीफ आणि मुनीर यांचा उल्लेख केला होता. पाकिस्तानातील स्थानिक माध्यमे हाचीच चर्चा करत आपला अजेंडा पुढे रेटताना दिसत आहे आणि नोबेल शांतता पुरस्काराची मागणी करत आहेत. युद्धविरामासाठी मध्यस्थी करण्यात पाकिस्तानच्या भूमिकेवर माध्यमे सातत्याने प्रकाश टाकत आहेत आणि त्याचे श्रेय स्वतःकडे घेत आहेत. यासाठी पंतप्रधान शहबाज शरीफ आणि आसिम मुनीर यांना नोबेल शांतता पुरस्कार मिळावा, अशी मागणी ते करत आहेत.

निवृत्त लेफ्टनंट कर्नल सय्यद अहमद नदीम कादरी यांनी 'द नेशन'मधील लेखात म्हटले की, पाकिस्तानने जागतिक ऊर्जा पुरवठा स्थिर केला आणि मोठे युद्ध रोखले. कराची चेंबर ऑफ कॉमर्सनेही याचे पूर्ण श्रेय शरीफ आणि मुनीर यांना दिले आहे.

चीनने की पाकिस्तानने? युद्ध विरामात महत्वाची भूमिका कुणाची? -
पाकिस्तान स्वतःच्या स्तुतीमध्ये मग्न असला तरी, अनेक अहवालांनुसार पाकिस्तानने केवळ अमेरिकेच्या इशाऱ्यावर 'मोहऱ्या'सारखी भूमिका बजावली आहे. दुसरीकडे, इराणला खऱ्या अर्थाने चर्चेच्या टेबलावर आणण्याचे काम चीनने केल्याचे स्पष्ट झाले आहे. खुद्द डोनाल्ड ट्रम्प यांनीही चीनच्या भूमिकेची पुष्टी केली आहे. न्यूयॉर्क टाइम्सच्या वृत्तानुसार, चीनने आपल्या शक्तीचा वापर करून इराणवर दबाव आणला आणि त्यांना सीजफायरसाठी तयार केले.

पाकिस्तान नोबेल शांतता पुरस्कार, शहबाज शरीफ असीम मुनीर नोबेल, अमेरिका इराण सीजफायर चीन, पाकिस्तान इराण मध्यस्थी, Pakistan Nobel Peace Prize Demand, Shehbaz Sharif Asim Munir Nobel, US Iran Ceasefire China Role, Pakistan Mediation News,