रशिया आणि युक्रेन यांच्यात गेल्या तीन वर्षांपासून युद्ध सुरू आहे. दरम्यान, रशियन हवाई संरक्षण प्रणाली (Air Defence System) S-400 ने युक्रेनचे F-16 लढाऊ विमान पाडल्याचे वृत्त समोर आले आहे. या वृत्तामुळे अमेरिकेचे टेन्शन वाढले आहे. कारण, F-16 हे जगातील "सर्वोत्कृष्ट" लढाऊ विमान आहे, असा अमेरिकेचा दावा आहे. महत्वाचे म्हणजे, हे लढाऊ विमान पाकिस्तानसह जगातील अनेक देश वापरतात.
रशिय वृत्तसंस्था TASS च्या वृत्तानुसार, या पराक्रमासाठी S-400 च्या क्रू मेंबर्सना पुतिन यांनी मोठे बक्षिसही दिले आहे. F-16 हे लढाऊ विमान पाडणाऱ्या 12 क्रू मेंबर्सना जवळपास 15 मिलियन रूबल अर्थात जवळपास 1,95,000 अमेरिकन डॉलर बक्षिस स्वरुपात दिले आहेत. हा बक्षिस वितरण समारंभ 29 मे रोजी आयोजित करण्यात आला होता.
S-400 च्या क्रू मेंबर्सनीच पाडलं F-16 फायटर जेट -भारतीय हवाईदलाचे माजी स्क्वाड्रन लीडर विजयेंद्र ठाकूर यांच्या अंदाजानुसार, रशियाच्या S-400 क्रूनेच F-16 विमान पाडले. कारण बक्षिस मिळणाऱ्यांमध्ये कुण्याही Su-35S पायलटचा समावेश नव्हता. अर्थात, कुण्या एयर डिफेन्स सपोर्टशिवाया म्हणजेच, S-400 शिवाय हे शक्य नाही.
अपघातांमागील गूढयुक्रेनच्या ज्या F-16 लढाऊ विमानांना अपघात झाला, ते 9 महिन्यांत समोर आले आहेत. ते पुढील प्रमाणे...- ऑगस्ट 2024 : दुर्घटनेच्या काही आठवडे आधीच युक्रेनला पहिले F-16 मिळाले होते. तांत्रीक बिघाड अथवा पॅट्रियट सिस्टिमकडून फ्रेंडली फायर हे दुर्घटनेचे कारण माणले जात आहे.
- एप्रिल 2025 : पायलटचा मृत्यू. प्राथमिक अहवालात हवेत टक्कर आणि रशियन एअर डिफेंस सिस्टिम S-400 ला जबाबदार धरण्यात आले होते.
- मे 2025 : पायलट तीन टार्गेट नष्ट केल्यानंतर चौथ्यावर हल्ला करत होता. याच वेळी विमानात काही तरी गडबड झाल्याचे समोर आले. यानंतर पायलटने विमानातून बाहेर पडत आपला जीव वाचवला होता.