जबरदस्त! सुखोई लढाऊ विमानाला मिळाली AI पॉवर, रशियाने चाचणी घेतली; भारताला फायदा होणार

रशियाने एआय-सहाय्यित सुखोई Su-57M लढाऊ विमानाची यशस्वी चाचणी घेतली आहे. सध्या भारतीय हवाई दलाकडे २५० हून अधिक सुखोई विमाने आहेत.

पहलगाममध्ये झालेल्या दहशतवादी हल्ल्यानंतर भारताने जोरदार प्रत्युत्तर दिले. 'ऑपरेशन सिंदूर' अंतर्गत भारताने पाकिस्तानमधील दहशतवादी तळांवर हल्ले केले. यामध्ये सुखोई Su-30 MKI ही लढाऊ विमाने वापरली. आता रशियाने या विमानाची नवीन आवृत्ती लाँच केली आहे. रशियाने नुकतेच सुखोई Su-57 M लढाऊ विमानाच्या AI आधारावर बनवलेल्या आवृत्तीची यशस्वी चाचणी घेतली आहे.

रशियाने Su-57M चे पहिले एआय-सहाय्यित उड्डाण केले आहे. ते सध्या प्रोटोटाइप म्हणून विकसित केले जात आहे. तज्ञ या प्रयोगाला रशियाच्या अंतराळ इतिहासातील एक मैलाचा दगड म्हणत आहेत. रशियन चाचणी दरम्यान कॉकपिटमध्ये एक पायलट उपस्थित होता. लढाऊ विमानाचे उड्डाण नियंत्रण, नेव्हिगेशन आणि लक्ष्य निवड क्षमता यासारख्या गोष्टी एआयच्या मदतीने नियंत्रित केल्या .

पाकिस्तानी लष्करप्रमुख असीम मुनीरचे प्रमोशन; शाहबाज सरकारने बनवले फील्ड मार्शल...

AI च्या मदतीने वैमानिक जलद निर्णय घेऊ शकतील. त्याच वेळी, ते पायलटवरील भार कमी करण्यास आणि उच्च-जोखीम निर्णय घेण्यास देखील मदत करू शकते.

अमेरिकन जेटला टक्कर

हे तंत्रज्ञान लवकरच हवाई युद्धाचा एक महत्त्वाचा भाग बनू शकते. रशिया १९९९ पासून PAK FA नावाचा एक कार्यक्रम चालवत आहे, जो AI एकत्रीकरणाच्या क्षेत्रात काम करत आहे. या प्रकल्पाचा उद्देश पाचव्या पिढीतील लढाऊ विमाने विकसित करणे हा होता. Su-57M ही Su-57 ची सुधारित आवृत्ती आहे. हे मॉडेल अमेरिकेच्या F-22 रॅप्टर आणि F-35 लाइटनिंग II सारख्या जेट्सना थेट स्पर्धा देऊ शकते.

सुखोई जेट हे भारतीय हवाई दलाच्या ताफ्यातील सर्वात महत्त्वाचा हिस्सा आहे. भारतीय हवाई दलाकडे २५० हून अधिक Su-30MKI विमाने आहेत. भारताचा सर्वात मोठा संरक्षण भागीदार रशियासोबत १९९६ मध्ये झालेल्या कराराचा भाग म्हणून Su-30MKI कार्यक्रम सुरू झाला. तेव्हापासून ते हिंदुस्तान एरोनॉटिक्स लिमिटेडद्वारे असेंबल आणि उत्पादित केले जात आहे. आता रशियाच्या या पावलामुळे भारतीय ताफ्यात नवीन तंत्रज्ञानाचाही समावेश होऊ शकतो.