भीषण, भयंकर, भयावह! रशियाचा युक्रेनवर मोठा ड्रोन अटॅक; ४ जणांचा मृत्यू, अनेक जण जखमी

रशियाने पुन्हा एकदा युक्रेनवर क्षेपणास्त्र आणि ड्रोन हल्ला केला आहे. या भीषण हल्ल्यात चार जणांचा मृत्यू झाला असून अनेक जण गंभीर जखमी झाले आहेत.

युद्धविरामाच्या चर्चेदरम्यान रशियाने पुन्हा एकदा युक्रेनवर क्षेपणास्त्र आणि ड्रोन हल्ला केला आहे. या भीषण हल्ल्यात चार जणांचा मृत्यू झाला असून अनेक जण गंभीर जखमी झाले आहेत. स्थानिक अधिकाऱ्यांनी याबाबत माहिती दिली आहे.

रशिया-युक्रेन संघर्षाला चार वर्षे पूर्ण होत असताना, कीवचे मित्र राष्ट्रे रशियाविरुद्ध कठोर पावले उचलण्याची तयारी करत आहेत. कीव लष्करी प्रशासनाचे प्रमुख त्काचेंको यांनी शनिवारी सांगितलं की, युक्रेनची राजधानी कीववर झालेल्या बॅलिस्टिक क्षेपणास्त्र हल्ल्यात दोन जणांचा मृत्यू झाला आणि जवळपास नऊ जण जखमी झाले आहेत.

Last night, Russia attacked Ukraine again—this time with dozens of attack drones and nine ballistic missiles. There was a missile strike on Kyiv. Sadly, there are killed people. My condolences to their families and loved ones. Dozens of people were injured. And almost every… pic.twitter.com/y3s2vyGR5R

— Volodymyr Zelenskyy / Володимир Зеленський (@ZelenskyyUa) October 25, 2025

युक्रेनच्या राज्य आपत्कालीन सेवेने दिलेल्या माहितीनुसार, या हल्ल्यांमुळे एका अनिवासी इमारतीत भयंकर आग लागली, तर अडवलेल्या क्षेपणास्त्रांचा ढिगारा दुसऱ्या भागात पडला, ज्यामुळे जवळच्या इमारतींच्या खिडक्यांचं मोठ्या प्रमाणात नुकसान झालं.

कीवचे महापौर विटाली क्लिट्स्को यांनी सोशल मीडियावर पोस्ट केलं की, राजधानीत स्फोट झाले आहेत आणि शहरावर बॅलिस्टिक हल्ला होत आहे. याच दरम्यान, ट्रल-ईस्ट ड्नीप्रोपेत्रोव्स्क प्रदेशात, कार्यकारी गव्हर्नर व्लादिस्लाव हॅवानेन्को यांनी सांगितलं की रशियाने केलेल्या हवाई हल्ल्यात दोन जणांचा मृत्यू आणि सात जण जखमी झाले. तसेच हल्ल्यात अनेक निवासी इमारती, घरं, दुकानं आणि वाहनांचं मोठं नुकसान झालं आहे.