इलॉन मस्क सतत चर्चेत असतात. काही दिवसापूर्वीच त्यांनी माइक्रोब्लॉगिंग साइट ट्विटर खरेदी केले. यानंतर त्यांनी ट्विटरमध्ये महत्वाचे निर्णय घेण्यास सुरूवात केली. पहिल्याच दिवशी त्यांनी ट्विटरचे सीईओ पराग अग्रवाल यांना नोकरीवरुन काढले. तर काल अनेक कर्मचाऱ्यांना मेल पाठवून नोकरीवरुन काढून टाकले. यामुळे आता इलॉन मस्क चांगलेच चर्चेत आलेत. इलॉन मस्क त्यांच्या वैयक्तीक आयुष्यातही तसेच अफेअर बाबतीतही चर्चेत असतात. मस्क यांचे आतापर्यंत ५ महिलांसोबत रिलेशनशीपमध्ये होते.
मस्क नऊ मुलांचे पिता आहेत. इलॉन मस्क यांच्या लव्ह लाईफची सुरुवात लेखक जस्टिन विल्सनपासून झाली. क्वीन्स युनिव्हर्सिटीत शिकत असताना मस्क त्यांची पहिली पत्नी कॅनेडियन लेखक जस्टिनला भेटले. २००० साली दोघांनी लग्न केले. जस्टिन आणि मस्क यांचा पहिला मुलगा नवादा अलेक्झांडर मस्कचा जन्म २०००२ मध्ये झाला. पण वयाच्या अवघ्या १० व्या वर्षी त्याचा मृत्यू झाला. जस्टिनने २००४ मध्ये दोन आणि २००६ मध्ये तीन मुलांना जन्म दिला, परंतु मस्कसोबत ब्रेकअप झाल्यानंतर लगेचच. १३ सप्टेंबर २००८ रोजी जस्टिनने मस्कसोबत घटस्फोट घेत असल्याचे जाहीर केले.
Vladimir Putin : भारतीय प्रतिभावान, देश खूप प्रगती करेल; व्लादिमीर पुतीन यांनी केलं कौतुक
इलॉन मस्कने २००८ मध्ये ब्रिटीश अभिनेत्री तल्लुलाह रिलेला डेट करायला सुरुवात केली. २०१० मध्ये स्कॉटलंडमधील डॉर्नोच कॅथेड्रलमध्ये या जोडप्याचे लग्न झाले. इलॉन मस्कचे हे नातेही फार काळ टिकले नाही. अवघ्या चार वर्षांच्या नात्यानंतर हे जोडपे जानेवारी २०१२ मध्ये वेगळे झाले आणि मार्च २०१२ मध्ये घटस्फोटासाठी अर्ज दाखल केला. पण मस्क आणि रिले यांनी जुलै २०१३ मध्ये पुन्हा लग्न केले. २०१४ मध्ये, त्यांनी जाहीरपणे जाहीर केले की ते पुन्हा एकत्र आले आहेत . डिसेंबर २०१४ मध्ये, मस्कने दुसऱ्यांदा रिलेसोबत घटस्फोटासाठी अर्ज केला. अखेर ऑक्टोबर २०१६ मध्ये या जोडप्याचा घटस्फोट झाला.
इलॉन मस्क आणि अभिनेत्री अंबर हर्ड त्यांच्या अफेअरमुळे खूप चर्चेत होते. दोघांचे लग्न झाले नव्हते, पण २०१७ मध्ये मस्कने अनेक महिने हर्डला डेट केले. हॉलिवूड अभिनेता जॉनी डेपने नंतर मस्कवर त्याची पत्नी अंबर हर्डसोबत अफेअर असल्याचा आरोप केला. इलॉन मस्क आणि अंबर हर्ड या दोघांनीही त्यांच्या अफेअरच्या बातम्यांचे खंडन केले. इलॉन मस्कने ट्विटर विकत घेतल्यानंतर अंबर हर्डने तिचे ट्विटर अकाऊंट डिलिट केले.
यानंतर २०१८ मध्ये कॅनेडियन संगीतकार ग्रिम्स आणि इलॉन मस्क यांचे अफेअर सुरू झाले. क्लेअर एलिस बाउचर ही ग्रिम्स म्हणून ओळखली जाणारी कॅनेडियन गायिका, गीतकार आणि निर्माता आहे. ग्रिम्सने मे २०२० मध्ये एका मुलाला जन्म दिला. सुमारे तीन वर्षांच्या रिलेशनशिपनंतर त्यांच्या ब्रेकअपची चर्चा सुरू झाली.
इलॉन मस्क २०२२ च्या सुरुवातीला ऑस्ट्रेलियन अभिनेत्री नताशा बॅसेटला डेट करत असल्याच्या चर्चा होत्या. नताशा एक अभिनेत्री, पटकथा लेखक आणि दिग्दर्शक आहे.