Mexico Plane Crash Video: इमर्जन्सी लँडिंग करण्याचा प्रयत्न करत असतानाच एक खासगी विमान कोसळले. सोमवारी (१५ डिसेंबर) मेक्सिको हा भीषण अपघात झाला. यात आठ प्रवासी आणि विमानातील दोन क्रू मेंबर्ससह दहा जणांचा मृत्यू झाला आहे.
एपी वृत्तसंस्थेने आपल्या रिपोर्टमध्ये म्हटले आहे की, मेक्सिकोच्या राज्य संरक्षक समन्वयक एड्रियन हर्नांडेज यांनी या घटनेबद्दलची माहिती दिली आहे. मेक्सिको शहरापासून ५० किमी अंतरावर पश्चिमेला ही घटना घडली.
मेक्सिको शहराच्या पश्चिम दिशेला असलेल्या टोलुका विमानतळापासून ५ किमी अंतरावर सॅन मेटो एटेंको ही औद्योगिक वसाहत आहे, त्याच ठिकाण हे विमान कोसळले.
सात मृतदेह मिळाले
अपघातग्रस्त विमान अकापुल्को विमानतळावरून झेपावले होते. हर्नांडेज यांनी सांगितले की, हे खासगी विमान होते. आठ प्रवासी आणि दोन क्रू मेंबर्सची नोंदणी झालेली होती. पण, अपघात झाल्यानंतर काही तासांनी घटनास्थळावर सात मृतदेहच मिळाले आहेत.
मैदानावर लँडिंगचा प्रयत्न
वैमानिक जवळ असलेल्या एका फुटबॉल मैदानावर इमर्जन्सी लँडिंगचा प्रयत्न करत होता. पण, मैदानाला लागून असलेल्या एका कंपनीच्या कारखान्यावर जाऊन हे विमान धडकले. त्यानंतर विमान कोसळले आणि आगीचा भडका उडाला.
सॅन मेटो एटेंकोचे महापौर एना मुनीज यांनी स्थानिक वृत्तवाहिनीशी बोलताना सांगितले की, विमान कोसळल्यानंतर लागलेल्या आगीमुळे त्या ठिकाणावरून १३० लोकांना सुरक्षितपणे बाहेर काढण्यात आले.
Web Summary : A private plane crashed in Mexico during an emergency landing attempt, killing all ten people on board. The plane crashed near Toluca Airport, west of Mexico City, after attempting to land on a football field.
Web Summary : मेक्सिको में आपातकालीन लैंडिंग के प्रयास के दौरान एक निजी विमान दुर्घटनाग्रस्त हो गया, जिसमें सवार सभी दस लोगों की मौत हो गई। विमान फुटबॉल के मैदान पर उतरने की कोशिश के बाद मैक्सिको सिटी के पश्चिम में टोलुका हवाई अड्डे के पास दुर्घटनाग्रस्त हो गया।