मुलीवर चाकूने 23 वेळा वार करणाऱ्या गुन्हेगाराची सूटका, पाकिस्तानात संतापाची लाट

खादिजावर वार करणारा गुन्हेगार हा एका प्रसिद्ध वकिलाचा मुलगा आहे.

इस्लामाबाद- पाकिस्तानात कायद्याचे शिक्षण घेणाऱ्या एका मुलीवर दोन वर्षांपुर्वी अत्यंत प्राणघातक हल्ला झाला होता. खादिजा सिद्दिकी नावाच्या या मुलीवर चाकूने 23 वेळा वार करण्यात आले होते. मात्र पाकिस्तानी न्यायालयाने दिलेल्या धक्कादायक निर्णयात गुन्हेगार मुलास निर्दोष मुक्त करावे असे म्हटले आहे. यामुळे पाकिस्तानात संतापाची लाट उसळली आहे. गुन्हेगार हा लाहोरच्या एका प्रसिद्ध वकिलांचा मुलगा आहे.

It was Khadija’s battle till yesterday. Khadija you did your job well. Today you didn’t lose - it was society that lost. So it is battle of the society now. The hashtag In Support of khadija is #WeAreWithKhadija plz use this. We will fight back - we will fight the Mafia pic.twitter.com/yp8cHWPdNq

— Hassaan Niazi (@HniaziISF) June 4, 2018

खादिजा सिद्दिकी ही 23 वर्षांची मुलगी असून ती कायद्याचे शिक्षण घेते. लाहोरमध्ये तिच्या बहिणीच्या शाळेजवळ तिच्यावर एका मुलाने 2016 च्या मे महिन्यात हल्ला केला होता. शाह हुसेन असं त्याचं नाव असून त्याने तिला विवाहासाठी मागणी घातली होती. तो प्रस्ताव नाकारल्याच्या रागामुळेच शाह हुसेन तिच्यावर हल्ला केला. हा हल्ला इतका मोठा होता की खालिजाला मानेवर, हातावर अत्यंत खोल जखमा झाल्या. तिला वाचविण्यासाठी प्रयत्न करणाऱ्या बहिणीवरही शाह हुसैनने वार केले होते. अखेरीस त्यांच्या गाडीच्या चालकाने त्या दोघींना वाचवून रुग्णालयात दाखल केले होते. या घटनेनंतर शाह हुसैनला जुलै 2017मध्ये सात वर्षांची शिक्षा ठोठावण्यात आली होती.  मात्र लाहोर उच्च न्यायालयाने हा निर्णय फिरवून त्याला मुक्त करण्याचे आदेश 4 जून रोजी दिल्याने पाकिस्तानभर संतापाची लाट उसळली आहे.

I am heart broken , speechless , shattered after hearing what our judiciary system did to you @khadeeeej751 - But donot give up , keep fighting , and we shall overcome this together ! Strength and more strength your way ! 💔 Justice for #KhadijaSiddiqi

— URWA HOCANE (@VJURWA) June 5, 2018

या निर्णयामुळे आपल्याला धक्का बसल्याचे खादिजाने सांगितले आहे. त्याने केलेल्या हल्ल्यामुळे आपल्याला रुग्णालयात तीन आठवडे राहावे लागले होते, तसेच पूर्ण बरे होण्यास मोठा काळ गेला, अजूनही आपल्या पाठीत दुखत असल्याचेही तिने सांगितले. खादिजाला आपला पाठिंबा व्यक्त करण्यासाठी पाकिस्तानात आंदोलन सुरु झाले आहे. वुईआरविथखादिजा नावाने हॅशटॅगही तयार करण्यात आलेला आहे.