Pakistan Leaders Of Imran Khans Party Tehreek E Insaf Beat Up Each Other Inside Sindh Assembly Video Goes Viral | VIDEO: पाकिस्तानातल्या विधानसभेत तुफान राडा; इम्रान खान यांच्या पक्षाचे नेते भिडले

VIDEO: पाकिस्तानातल्या विधानसभेत तुफान राडा; इम्रान खान यांच्या पक्षाचे नेते भिडले

सिंध: पाकिस्तानातल्या सिंध विधानसभेत तुफान राडा पाहायला मिळाला आहे. पाकिस्तानचे पंतप्रधान इम्रान खान यांच्या तहरीक-ए-इन्साफ पक्षाचे नेते आपापसात भिडले. बघता बघता परिस्थिती हाताबाहेर गेली. तहरीक-ए-इन्साफच्या नेत्यांनी एकमेकांची खाली पाडून धुलाई केली. सिनेट निवडणुकीवरून हा प्रकार घडला. या फ्री स्टाईल हाणामारीचे व्हिडीओ सोशल मीडियावर व्हायरल झाले आहेत.
 
सिनेट निवडणुकीत आपण आपल्या मर्जीनुसार मतदान करणार असल्याची घोषणा पाकिस्तान तहरीक-ए-इन्साफच्या (पीटीआय) तीन आमदारांनी केली होती. अस्लम आबरो, शहरयार शार आणि करिम बख्श गबोल अशी या आमदारांची नावं आहेत. पीटीआयच्या उमेदवारांना मतदान न करण्याची भूमिका घेतल्यानं पक्षातले इतर नेते या तीन आमदारांवर संतापले. हे तीन आमदार सभागृहात येताच इतर नेत्यांनी त्यांच्यावर हल्लाबोल केला.



नेते आपापसात भिडल्यानं सभागृहातलं वातावरण तापलं. भांडण सोडवण्यासाठी पीपीपीचे नेते पुढे सरसावले. मात्र तरीही वाद निवळला नाही. हा संपूर्ण प्रकार व्हिडीओत कैद झाला. पीटीआयचे नेते एकमेकांना धक्काबुकी करताना यात दिसत आहेत. एका नेत्याला खालीदेखील पाडण्यात आलं. या दरम्यान सभागृहातले अनेक नेते बाहेर निघून गेले. मात्र तरीही पीटीआच्या आमदारांची धक्काबुकी सुरुच होती.



सिनेट निवडणुकीच्या तिकीट वाटपात मोठ्या प्रमाणात आर्थिक व्यवहार झाल्याचा आरोप आबरो यांनी केला. त्यामुळेच मतदानावेळी पक्षाचा आदेश मानणार नसल्याचं आबरो यांनी जिओ न्यूजला सांगितलं. पीटीआयच्या नेत्यांनी भर सभागृहात घातलेल्या गोंधळाचे व्हिडीओ सध्या सोशल मीडियावर व्हायरल झाले आहेत. 

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: Pakistan Leaders Of Imran Khans Party Tehreek E Insaf Beat Up Each Other Inside Sindh Assembly Video Goes Viral

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.