Latest International News | International Marathi News | Latest International News in Marathi | आंतरराष्ट्रीय: ताज्या मराठी बातम्या

ऑपरेशन सिंदूरमध्ये भारताकडून मार खाल्ल्यानंतर पाकिस्तानचा थयथयाट झाल्याचं दिसून आले होते. त्यानंतर पाकिस्तानने चीनकडे सतत एक मागणी लावून धरली होती. ज्यात चीनकडून हायपरसोनिक मिसाइल आणि त्याला बनवण्याचं तंत्रज्ञान देण्याची मागणी केली होती. परंतु आता चीनने स्पष्ट शब्दात पाकिस्तानची मागणी फेटाळून लावली आहे. या मिसाईल आता निर्यात करण्यासाठी उपलब्ध नाहीत, याचा कुठलाही व्हर्जन अद्याप बनवला नाही जे दुसऱ्या देशांना देता येऊ शकते असं चीनने सांगितले आहे.पाकिस्तानला का हवी मिसाईल?भारत ज्यारितीने वेगाने आधुनिक तंत्रज्ञान आणि मिसाईल टेक्निक वाढवत आहे त्याचा मुकाबला करण्यासाठी पाकिस्तानला चीनकडून मदत हवी होती. भारताने याआधीच HSTDV सारख्या मिसाईलची चाचणी केली आहे. ही प्रचंड वेगवान आणि आधुनिक मिसाईल आहे. त्यामुळे पाकिस्तान चीनच्या मागे हायपरसोनिक मिसाईल देण्याची मागणी करत होता परंतु चीनने त्यास नकार दिला आहे. चीनच्या नकारामागे २ प्रमुख कारणे सांगितली जातात. त्यात पहिले म्हणजे पाकिस्तानकडे उपलब्ध असणाऱ्या चिनी शस्त्रांची कामगिरी अपेक्षेपेक्षा कमकुवत होत आहे. दुसरे कारण म्हणजे पाकिस्तानला जर हे तंत्रज्ञान दिले तर ते पाश्चात्य देशांनाही देण्याची भीती चीनला आहे. पाकिस्तानला याआधीच चीनकडून लढाऊ विमाने आणि मिसाईल सिस्टम मिळाले आहे परंतु हायपरसोनिक मिसाइलसारखं संवेदनशील तंत्रज्ञान पाकला देणे चीनला विश्वासाचे वाटत नाही. हायपरसोनिक मिसाईल देशाबाहेर पाठवायची नाहीडिफेन्स वेबसाईटनुसार, चीन त्यांची इतर शस्त्रे जसं J10CE लढाऊ विमाने आणि HQ9 एअर डिफेन्स सिस्टमचे खास एक्सपोर्ट व्हर्जन बनवते परंतु हायपरसोनिक मिसाईल इतकी आधुनिक आणि संवेदनशील आहे जी त्याला बाहेर देशात पाठवायची नाही. जगातील संतुलन बिघडू शकणारी अतिशय आधुनिक आणि शक्तिशाली शस्त्रे इतर देशांना देऊ नयेत, असे चीनचे धोरण आहे. मात्र पाकिस्तानला चीनच्या मदतीने या मिसाईल खरेदी करायच्या आहेत आणि स्वत: बनवायच्या आहेत. परंतु चीनने नकार दिल्याने पाकिस्तानला मोठा झटका बसला आहे. चीनच्या या निर्णयानं पाकिस्तानच्या भारताशी बरोबरी करण्याच्या प्रयत्नांना फटका बसला आहे. चीन हायपरसोनिक मिसाईल तंत्रज्ञान त्यांच्या सुरक्षेचा महत्त्वाचा भाग मानते. विशेषत: अमेरिका आणि त्यांच्या सहकारी देशांविरोधात हे तंत्रज्ञान विकसित केले आहे. त्यामुळे इतकी संवेदनशील माहिती पाकिस्तानसारख्या जवळच्या देशालाही त्यांना द्यायचे नाही जेणेकरून जागतिक स्तरावर दबाव आणि राजनैतिक तणाव वाढवता येईल. आणखी एक कारण म्हणजे, चीन सध्या या मिसाईलला अजून उत्तम आणि मोठ्या प्रमाणात उत्पादन करत आहे. जोपर्यंत ही प्रक्रिया पूर्ण होत नाही तोवर कुठल्याही अन्य देशाला ते ट्रान्सफर करण्यास तयार नाहीत.

International (Marathi News)

Elon Musk To Trump: इलॉन मस्क यांनी पुन्हा एकदा डोनाल्ड ट्रम्प यांच्या निर्णयाचा उघडपणे विरोध केला आहे. ...

भारताबरोबर विविध मुद्द्यांवर चर्चा करण्यास इच्छुक ...

चीनच्या या निर्णयानं पाकिस्तानच्या भारताशी बरोबरी करण्याच्या प्रयत्नांना फटका बसला आहे. ...