Latest International News | International Marathi News | Latest International News in Marathi | आंतरराष्ट्रीय: ताज्या मराठी बातम्या

जगात वेगवेगळ्या आणि अनोख्या घटना घडत असतात. नेमकं कुठे आणि काय घडेल याचा काही नेम नसतो. काहीवेळा तर अशा काही घटना समोर येतात की ज्यावर विश्वास ठेवणं अतिशय कठीण होऊन बसतं. असाच एक धक्कादायक प्रकार कॅलिफोर्नियामध्ये घडला आहे. कॅलिफोर्नियात एक महिला दोन इमारतींच्या मधील अवघ्या ८ इंचाच्या जागेत अडकली होती. पण महिलेची जेव्हा बचाव पथकामार्फत सुटका करण्यात आली तेव्हा तिची अवस्था पाहून सर्वांना धक्का बसला. त्यामुळे ही घटना संपूर्ण परिसरात चर्चेचा विषय बनली आहे. (Naked woman wedged in 8 inch space between 2 buildings know about shocking truth)समोर आलेल्या माहितीनुसार, एक महिला हार्बर बुलेवार्ड स्थित एका ऑटो शॉप आणि कार स्टिरियो स्टोरच्या दोन भिंतीच्यामध्ये अडकली होती. त्यानंतर ती जोरजोरात ओरडून मदतीची याचना करत होती. परिसरात काम करणाऱ्या काही लोकांना या महिलेचा आवाज ऐकू येत होता. पण ती नेमकी कुठे आहे याचा काही ठावठिकाणा कळून येत नव्हता. त्यामुळे पोलिसांना बोलावण्यात आलं. पोलिसांनी महिलेचा शोध घेतला. पण तिची परिस्थिती पाहून त्यांनी अग्निशमन दलाच्या जवानांना पाचारण केलं. "आमच्या दुकानाच्या मागच्या बाजूला एका महिलेचा किंचाळण्याचा आवाज येत होता. ती मदतीसाठी हाक देत होती. त्यामुळे आम्ही पोलिसांना बोलावलं. मग पोलिसांनी दुकानावर चढून पाहिलं तर दोन भिंतीच्या मधल्या जागेत एक महिला विवस्त्र अवस्थेत अडकली होती आणि ती वेदनेनं विव्हळत होती", असं दुकान मालकानं सांगितलं. बचाव पथकानं शर्थीच्या प्रयत्नांनंतर संबंधित महिलेला सुखरुपरित्या बाहेर काढलं. महिलेला रुग्णालयात दाखल करण्यात आलं असून तिच्यावर उपचार सुरू आहेत. पण इतक्या लहान जागेत ती कशी पोहोचली? आणि ती विवस्त्र अवस्थेत तिथं काय करत होती? तिच्यासोबत नेमकं काय घडलं? हे सर्वांसाठीच आता एक रहस्य बनलं आहे. अर्थात पोलिसांच्या चौकशीतून याबाबतचा अधिक खुलासा होऊ शकेल.

International (Marathi News)

Gaganyaan: एलन मस्क यांनी ट्विट करत ISRO ला शुभेच्छा दिल्या आहेत. ...