ना इंग्लिश येत, ना...! लग्नासाठी अमेरिकेत आली, २४ वर्षांची सिमरन बेपत्ता झाली; पोलिसांना भलताच संशय...

Trending Story: अमेरिकेत पोहोचल्यानंतर पाच दिवसांनी, बुधवारी ती बेपत्ता झाल्याची तक्रार पोलिसांनीच केली आहे. ती लग्नासाठी अमेरिकेत आली होती, असे तिच्या व्हिसावरून दिसत आहे, असे या प्रकरणाचा तपास करणाऱ्या अधिकाऱ्याने सांगितले आहे.

अमेरिकेत एका लग्नासाठी आलेली २४ वर्षीय तरुणी अचानक बेपत्ता झाली आहे. लिंडेनवोल्ड पोलिसांना सापडलेल्या तिच्या शेवटच्या सीसीटीव्ही फुटेजमध्ये ती मोबाईलमध्ये सारखी पाहत आहे, तसेच एका ठिकाणी ती कोणाची तरी वाट पाहत थांबलेली आहे. यावेळी ती संकटात वगैरे असल्याचे वाटत नसल्याचे पोलिसांनी म्हटले आहे. 

सिमरन नावाची तरुणी २० जून रोजी न्यू जर्सीला लग्नासाठी आली होती. तिला इंग्रजीही बोलता येत नाही आणि अमेरिकेत तिचे कोणी नातेवाईकही नाहीत. फक्त तिच्याकडे आंतरराष्ट्रीय नेटवर्कवर चालणारा फोन आहे. तो देखील सध्या बंद येत आहे. अमेरिकेत पोहोचल्यानंतर पाच दिवसांनी, बुधवारी ती बेपत्ता झाल्याची तक्रार पोलिसांनीच केली आहे. ती लग्नासाठी अमेरिकेत आली होती, असे तिच्या व्हिसावरून दिसत आहे, असे या प्रकरणाचा तपास करणाऱ्या अधिकाऱ्याने सांगितले आहे. 

द न्यू यॉर्क पोस्टच्या वृत्तानुसार, हे लग्न म्हणजे अमेरिकेला  येण्यासाठी मोफत विमानभाडे मिळवण्यासाठी एक निमित्त होते का, असा संशय पोलिसांना येत आहे.  याची शक्यताही अधिकारी तपासत आहेत. तिचा फोन केवळ वायफायद्वारेच नेटवर्कशी जोडला जाऊ शकतो. 

या प्रकरणात आणखी एक महत्वाची बाब म्हणजे, अधिकाऱ्यांना सिमरनच्या भारतातील कोणत्याही कुटुंबातील सदस्यांशी संपर्क साधता आलेला नाहीय. तिची माहिती मिळविण्यासाठी किंवा ती बेपत्ता झाल्याची माहिती देण्यासाठी संपर्क साधायला तिच्या कुटुंबातील कोणीही सापडलेले नाही. तिला शेवटचे राखाडी स्वेटपँट, पांढरा टी-शर्ट, काळे फ्लिप-फ्लॉप अशा पेहरावात पाहिले गेले होते. सिमरन ही लग्नाच्या निमित्ताने अमेरिकेत आली, फुकट प्रवास करता आला आणि आता ती तिच्या कोणीतरी ओळखीच्या, अफेअर असलेल्या व्यक्तीकडे अमेरिकेतच स्थायिक होण्यासाठी गेली असावी, असा संशय पोलिसांना आला आहे. अमेरिकेत लाखो भारतीय अवैध प्रवासी आहेत, सिमरनदेखील आता याच मार्गावर असल्याचा संशय पोलिसांना आहे.