Anil Menon NASA: आधी स्पेस स्टेशन, चंद्र, तेथून मंगळावर जाणार; नासाकडून अनिल मेमन यांची निवड
By ऑनलाइन लोकमत | Published: December 7, 2021 10:41 PM2021-12-07T22:41:26+5:302021-12-07T22:43:10+5:30
NASA picks Anil Menon for Astronaut: चांद्रमोहिमेच्या आधी दोन वर्षे या सर्वांना कठोर प्रशिक्षण दिले जाईल. यानंतर या अंतराळवीरांना आधी आंतरराष्ट्रीय स्पेस स्टेशन, तेथून चंद्रावर पाठविण्यात येणार आहे. यानंतर ते मंगळाच्या पृष्ठभागावर उतरणार आहेत.
Anil Menon NASA: आधी स्पेस स्टेशन, चंद्र, तेथून मंगळावर जाणार; नासाकडून अनिल मेमन यांची निवड
Next अमेरिकेची अंतराळ संस्था नासा येत्या काही काळात चंद्रावर यान पाठविणार आहे. यावेळी पुन्हा एकदा मनुष्य पाठविण्यात येणार आहे. अंतराळवीर चंद्रावर आधीपेक्षा सर्वाधिक वेळ व्यतित करणार आहेत. तेथून ते मंगळ ग्रहावर लक्ष ठेवणार आहेत. नासाने यासाठी 10 अंतराळवीरांची निवड केली आहे. यामध्ये भारतीय वंशाचे अंतराळ वीर डॉ. अनिल मेनन यांचे देखील नाव आहे.
चांद्रमोहिमेच्या आधी दोन वर्षे या सर्वांना कठोर प्रशिक्षण दिले जाईल. यानंतर या अंतराळवीरांना आधी आंतरराष्ट्रीय स्पेस स्टेशन, तेथून चंद्रावर पाठविण्यात येणार आहे. यानंतर ते मंगळाच्या पृष्ठभागावर उतरणार आहेत.
भारतीय वंशाचे अनिल मेनन यांचा जन्म युक्रेनमध्ये झाला. ते यूएस एअर फोर्समध्ये लेफ्टनंट कर्नल म्हणून तैनात आहेत. NASA च्या SpaceX Demo-2 मोहिमेदरम्यान वैद्यकीय संस्था तयार करणारे ते पहिले SpaceX फ्लाइट सर्जन होते. डॉ मेनन यांना आधीच NASA मध्ये फ्लाइट सर्जन म्हणून काम करण्याचा अनुभव आहे. अनिल मेनन, 45, हे इमर्जन्सी मेडिसिन फिजिशियन आहेत.
NASA प्रोफाइलनुसार, मेनन 2010 हैती भूकंप, 2015 नेपाळ भूकंप आणि 2011 रेनो एअर शो क्रॅश दरम्यान मदत केली होती. त्यांनी 1999 मध्ये हार्वर्ड विद्यापीठातून न्यूरोबायोलॉजीमध्ये बॅचलर पदवी आणि 2004 मध्ये स्टॅनफोर्ड विद्यापीठातून यांत्रिक अभियांत्रिकीमध्ये पदव्युत्तर पदवी प्राप्त केली. 2009 मध्ये, त्यांनी स्टॅनफोर्ड मेडिकल स्कूलमधून डॉक्टर ऑफ मेडिसिनची पदवी प्राप्त केली.
अफगाणिस्तानातही काम
ऑपरेशन एंड्युरिंग फ्रीडमसाठी त्यांना अफगाणिस्तानात तैनात करण्यात आले होते. माउंट एव्हरेस्टवरील गिर्यारोहकांची काळजी घेण्यासाठी त्यांनी हिमालयन रेस्क्यू असोसिएशनसाठीही काम केले. मेनन यांनी नंतर 173 व्या फायटर विंगमध्ये लष्करी कर्तव्यासाठी बदली करून केली आणि नंतर एरोस्पेस मेडिसिनमध्ये निवासी म्हणून काम केले. पायलट म्हणून त्यांना 1,000 तासांपेक्षा जास्त उड्डाणाचा अनुभव आहे. त्यांची पत्नी अण्णा मेनन SpaceX मध्ये काम करतात आणि त्यांना दोन मुले आहेत.