फिलिपाईन्समधील एका छोट्या बेटावर लागलेल्या भीषण आगीने प्रचंड हाहाकार माजवला असून हजारो लोक रस्त्यावर आले आहेत. सरकारी वृत्तसंस्था 'PNA' ने दिलेल्या माहितीनुसार, ही आग रात्री १० च्या सुमारास'बारंगाय लामियन' परिसरात लागली. या आगीत तब्बल १,००० घरं पूर्णपणे जळून राख झाली आहेत. वेगवान वाऱ्यामुळे आगीने रौद्ररूप धारण केलं आणि दाट लोकवस्तीच्या परिसरात एकच खळबळ उडाली.
या आगीने संपूर्ण परिसरात मोठं नुकसान झालं आहे. PNA नुसार, या दुर्घटनेनंतर ५,००० हून अधिक लोकांना जमीन आणि समुद्र अशा दोन्ही मार्गांनी सुरक्षित बाहेर काढण्यात आलं आहे. सध्या या विस्थापित नागरिकांना दोन तात्पुरत्या मदत छावण्यांमध्ये ठेवण्यात आले आहे.
बुधवारी बोंगाओ स्थानिक प्रशासनाने, 'बंगसमोरो सामाजिक सेवा आणि विकास मंत्रालय' आणि प्रांतीय सरकारसोबत मिळून प्राथमिक मदत कार्य सुरू केलं. तसेच बोंगाओ ग्रामीण आरोग्य केंद्राच्या कर्मचाऱ्यांना विस्थापित लोकांच्या उपचारासाठी आणि वैद्यकीय गरजा पूर्ण करण्यासाठी तैनात करण्यात आलं आहे.
बोंगाओ नगर आपत्ती जोखीम निवारण आणि व्यवस्थापन कार्यालयाने (MDRRMO) माहिती दिली की, सुदैवाने या घटनेत कोणतीही जीवितहानी झालेली नाही. मात्र, अनेक 'फूटब्रिज'जळाल्यामुळे आग विझवताना आणि बचाव कार्यात अडथळे आले. अग्निशमन दलाने पहाटे २ च्या सुमारास आगीवर नियंत्रण मिळवलं. सध्या प्रशासन आग लागण्याचं नेमकं कारण शोधत असून मालमत्तेच्या एकूण नुकसानीचा अंदाज घेतला जात आहे.
Web Summary : A massive fire in the Philippines has left thousands homeless after destroying around 1,000 homes. The blaze, fueled by strong winds, erupted in Barangay Lamion, Bongao. While no fatalities were reported, numerous footbridges were damaged, hindering firefighting efforts. Investigations into the cause are underway.
Web Summary : फिलीपींस में भीषण आग लगने से हजारों लोग बेघर हो गए हैं। लगभग 1000 घर जलकर राख हो गए। तेज हवाओं के कारण आग तेजी से फैली। बारंगाय लामियन में आग लगी। कोई मौत नहीं हुई है, लेकिन पुल क्षतिग्रस्त हो गए। आग लगने के कारणों की जांच जारी है।