मेक्सिकोच्या सुपरमार्केटमध्ये भीषण स्फोट, २३ जणांचा मृत्यू; नेमके काय घडले?

मेक्सिकोच्या उत्तरेकडील सोनोरा राज्यातील एका सुपरमार्केटमध्ये झालेल्या स्फोटात तेवीस जणांचा मृत्यू झाला. ही दुर्घटना बिघाड झालेल्या विद्युत ट्रान्सफॉर्मरमुळे झाल्याचे समोर आले आहे.

अमेरिकेतील उत्तर मेक्सिकन राज्यातील सोनोरा येथे भीषण स्फोट झाला. हा स्फोट एका सुपरमार्केटमध्ये झाला. या शक्तिशाली स्फोटात तेवीस जणांचा मृत्यू झाला. ही दुर्घटना बिघाड झालेल्या विद्युत ट्रान्सफॉर्मरमुळे झाल्याचे समोर आले.

मृतांमध्ये अनेक अल्पवयीन मुले आहेत. या घटनेवर राज्याचे गव्हर्नर अल्फोन्सो दुराझो यांनी ही दुर्दैवी आणि दुःखद घटना म्हटले आहे.सरकारने पारदर्शक चौकशीचे आदेश दिले आहेत. राज्य अभियोक्ता गुस्कावो सालास म्हणाले की, बहुतेक लोकांचा मृत्यू विषारी वायूच्या धुरामुळे गुदमरल्याने झाला आहे. १२ जण जखमी झाले आहेत आणि त्यांना जवळच्या रुग्णालयात दाखल करण्यात आले आहे.

स्फोट कसा झाला?

'वाल्डोझ येथील दुकानातील एका बिघाड झालेल्या ट्रान्सफॉर्मरमुळे हा स्फोट झाला. सध्या सर्व पैलूंची चौकशी सुरू आहे आणि कोणतीही शक्यता नाकारता येत नाही, असे सॅलास यांनी सांगितले.

मेक्सिकन राष्ट्राध्यक्ष क्लॉडिया शेनबॉम यांनी अपघाताबद्दल दुःख व्यक्त केले.  मृतांच्या कुटुंबियांना सांत्वन व्यक्त केले. सरकारने जखमींना आणि मृतांच्या कुटुंबियांना मदत करण्यासाठी मदत पथके पाठवण्याचे आदेश दिले आहेत.

दुकानात लोक अडकली

या दुर्घटनेत सर्वांवर उपचार होणार आहेत. आपत्कालीन, सुरक्षा आणि आरोग्य सेवा तात्काळ घटनास्थळी पोहोचल्या, परिस्थिती नियंत्रणात आणली आणि अनेकांचे जीव वाचवले.

स्थानिक माध्यमांच्या वृत्तानुसार, स्फोटानंतर लोक दुकानात अडकले होते कारण आगीने परिसरात धुमाकूळ घातला होता. अनेकांनी आत आश्रय घेण्याचा प्रयत्न केला परंतु ते बाहेर पडू शकले नाहीत. दुपारी २ वाजण्याच्या सुमारास स्फोट झाला. आग पसरू नये म्हणून खबरदारी म्हणून जवळच्या दुकानदारांनी आपली दुकाने बंद केली.