चीनमध्ये गर्दीला गाडीने चिरडणाऱ्या आरोपीला फाशी; न्यायालय म्हणाले, त्याने आपला राग काढण्यासाठी हे केले

नोव्हेंबर महिन्यात चीनमध्ये एका कारने गर्दीला चिरडले होते. यामधील आरोपीला आता न्यायालयाने शिक्षा सुनावली आहे.

नोव्हेंबरमध्ये चीनच्या झुहाई शहरात एका कारने अनेक लोकांना चिरडले होते. आता या प्रकरणातील दोषी व्यक्तीला फाशी देण्यात आली आहे. गेल्या महिन्यात चीनच्या एका न्यायालयाने त्याला मृत्युदंडाची शिक्षा सुनावली.

ही घटना ११ नोव्हेंबर २०२४ रोजी घडली, जेव्हा ६२ वर्षीय फान यांनी जाणूनबुजून क्रीडा संकुलाबाहेर व्यायाम करणाऱ्या लोकांवर त्याची कार चालवली. या घटनेत ३५ जणांना आपला जीव गमवावा लागला, तर ४५ जण जखमी झाले.

त्याला शिक्षा सुनावताना न्यायालयाने म्हटले की, त्याचा हेतू अत्यंत घृणास्पद होता आणि गुन्ह्याचे स्वरूप अत्यंत गंभीर होते. चीनच्या सरकारी प्रसारक चायना सेंट्रल टेलिव्हिजनने सांगितले की, या प्रकरणात सर्वोच्च न्यायालयाच्या मार्गदर्शक तत्त्वांनुसार ही शिक्षा सुनावण्यात आली आहे.

२०१४ नंतर चीनमध्ये घडलेली ही सर्वात भयानक घटना आहे. फानच्या या हल्ल्यानंतर लोकही हादरले आहेत. घटनास्थळी चाकूने स्वतःला जखमी केल्यानंतर आणि कोमात गेल्यानंतर त्याला ताब्यात घेण्यात आले, असे पोलिसांनी सांगितले होते.

पोलिसांकडून अक्षय शिंदेचा फेक एन्काऊंटर! न्यायालयीन समितीचा धक्कादायक अहवाल

गेल्या महिन्यात झालेल्या खटल्यानंतर त्याला दोषी ठरवण्यात आले. घटस्फोटानंतर लग्न तुटणे, चिडचिड आणि मालमत्तेच्या वाटणीवर असंतोष यामुळे त्याने आपला राग काढण्यासाठी ही पद्धत अवलंबली, असे न्यायालयाने म्हटले आहे. पाश्चात्य देशांच्या तुलनेत, चीनमध्ये हिंसक घटना जवळजवळ नगण्य आहेत. पण अलिकडच्या काळात मोठ्या प्रमाणात मोठ्या प्रमाणात जीवितहानी झाली आहे. चाकू हल्ल्यांच्या घटना आणि कार हल्ल्यांमुळे सत्ताधारी कम्युनिस्ट पक्षाच्या कडक सार्वजनिक सुरक्षा आणि गुन्हेगारी नियंत्रणाच्या दाव्यांवर प्रश्नचिन्ह निर्माण झाले आहे.

सोमवारी, जियांग्सू प्रांतात एका व्यक्तीला फाशी देण्यात आली, त्याने नोव्हेंबरमध्ये चाकूने वार करून आठ जणांचा बळी घेतला होता आणि १७ जण जखमी झाले होते. हल्लेखोर २१ वर्षांचा विद्यार्थी होता. डिसेंबरमध्ये त्याला मृत्युदंडाची शिक्षाही सुनावण्यात आली.