पुन्हा अशी घटना घडली तर..; लाईव्ह रिपोर्टिंगदरम्यान रशियन पत्रकारावर हवाई हल्ला, पाहा Video

Iran-Israel-US: या प्रकरणी रशियाने इस्रायला सखोल चौकशीची मागणी केली आहे.

Iran-Israel-US: मध्यपूर्वेतील संघर्षादरम्यान, लेबनॉनमध्ये रिपोर्टिंगद करताना रशियन मीडिया नेटवर्क RT च्या पत्रकारावर झालेल्या मिसाईल हल्ल्यामुळे रशिया संतप्त झाला आहे. या प्रकरणी रशियानेइस्रायलचे राजदूत ओडेड जोसेफ यांना समन्स पाठवून तीव्र निषेध नोंदवला असून, घटनेची सखोल चौकशी करण्याची मागणी केली आहे.

लाईव्ह रिपोर्टिंगदरम्यान हवाई हल्ला

मिळालेल्या माहितीनुसार, RT चे पत्रकार स्टीव स्वीनी गुरुवारी लेबनॉनमध्ये लाईव्ह रिपोर्टिंग करत असताना इस्रायली वायुसेनेने हवाई हल्ला केला. एका लष्करी तळाजवळील पुल ओलांडत असताना पत्रकाराच्या वाहनावर रॉकेट डागण्यात आले. स्वीनी यांनी वेळीच धोका ओळखून स्वतःला वाचवले, मात्र या हल्ल्यात ते आणि त्यांचे कॅमेरामन अली रेइडा जखमी झाले.

‘जाणूनबुजून हल्ला’चा आरोप

कॅमेरामन अली रेइडा यांनी दावा केला की, पत्रकारांनी स्पष्टपणे ‘प्रेस’ अशी ओळख दर्शवणारी जॅकेट परिधान केले होते, मात्र त्यांच्यावर जाणीवपूर्वक हल्ला करण्यात आला. ही संपूर्ण घटना कॅमेरामध्ये कैद झाली आहे.

🇮🇱🇱🇧 Insane footage shows an Israeli airstrike impacting right next to RT journalist Steve Sweeney in southern Lebanon.

Russia Today says Steve and his cameraman are both conscious in the hospital. pic.twitter.com/vkRpZy9m8d

— The Daily News (@DailyNewsJustIn) March 19, 2026

रशियाचा तीव्र निषेध

रशियाच्या परराष्ट्र मंत्रालयाच्या प्रवक्त्या मारिया जखारोवा यांनी या घटनेचा तीव्र शब्दांत निषेध करत म्हटले की, पत्रकारांवर असा हल्ला हा केवळ अपघात म्हणून मान्य करता येणार नाही. गाझामध्ये आधीच अनेक पत्रकारांचा मृत्यू झाल्याच्या पार्श्वभूमीवर ही घटना अत्यंत गंभीर असल्याचे त्यांनी नमूद केले.

इस्रायलची प्रतिक्रिया

दरम्यान, इस्रायली संरक्षण दलाच्या (IDF) आंतरराष्ट्रीय प्रवक्त्यांनी या घटनेची चौकशी करण्याचे आश्वासन दिले आहे. नेमके काय घडले, याचा तपास केला जाईल, असे त्यांनी म्हटले आहे.