अर्धी अमेरिका बर्फवृष्टीमुळे गोठली! हजारो विमानांचे उड्डाण रद्द; ३० जणांचा मृत्यू

सोमवारी अमेरिकेत ८,००० हून अधिक उड्डाणे रद्द करण्यात आली, रविवारी अमेरिकेतील रद्द झालेल्या उड्डाणांच्या ४५ टक्के उड्डाणांपेक्षा ही संख्या जास्त आहे.

अमेरिकेत बर्फ बर्फवृष्टीमुळे मोठे नुकसान झाले आहे. सोमवारी ईशान्य अमेरिकेत झालेल्या हिमवादळात किमान ३० जणांचा मृत्यू झाला आहे. वादळाच्या शेवटच्या टप्प्यात दक्षिणेकडील काही भागात अधिक बर्फवृष्टी आणि गोठवणारा पाऊस पडला, यामुळे सोमवारी लाखो लोक वीजेशिवाय राहिले.

अर्कांसस ते न्यू इंग्लंड पर्यंतच्या २,१०० किलोमीटरच्या पट्ट्यावर एक फुटापेक्षा जास्त बर्फवृष्टी झाली, यामुळे रस्ते वाहतूक विस्कळीत झाली, सोमवारी विमान उड्डाणे रद्द झाली आणि शाळा बंद राहिल्या. राष्ट्रीय हवामान सेवेने दिलेल्या वृत्तानुसार, पिट्सबर्गच्या उत्तरेकडील भागात २० इंचांपर्यंत बर्फवृष्टी झाली आणि तापमान उणे ३१ अंश सेल्सिअसपर्यंत घसरले. या बर्फवृष्टीमुळे किमान २५ लोकांचा मृत्यू झाला आहे. सोमवारी दुपारपर्यंत देशभरातील ७,५०,००० हून अधिक ठिकाणी वीजपुरवठा खंडित झाला होता.

दरम्यान, मिसिसिपीचे काही भाग १९९४ नंतरच्या राज्यातील सर्वात मोठ्या हिमवादळाचा सामना करत आहेत. ऑक्सफर्ड कॅम्पसमध्ये बर्फाने झाकोळल्यामुळे मिसिसिपी विद्यापीठाने संपूर्ण आठवड्यासाठी वर्ग रद्द केले आहेत. फ्लाइट ट्रॅकिंग वेबसाइट FlightAware.com नुसार, सोमवारी अमेरिकेत ८,००० हून अधिक उड्डाणे रद्द करण्यात आली.